मंगळवार, फेब्रुवारी २६, २०१३

कामगार नेत्याला पोलिसांकडून अटक

आवाळपूर, : एल अ‍ॅण्ड टी सिमेंट कंपनीत सुरू असलेल्या आंदोलनाला आज वेगळे वळण मिळाले. कामगार संघटनेचे शिवचंद काळे यांना पोलिसांनी अटक केल्याने कामगांरानी उत्पादन ठप्प पाडले.

आज (ता. २६) कामगारांच्या उपोषणाचा ८२ वा दिवस आहे. उपोषण मागे घेण्यासाठी अल्ट्राटेक कंपनी आणि व्यवस्थापनात चर्चा सुरू असली, तरी निर्णायक स्वरूपात पोहोचत नसल्याने तिढा कायम आहे. आज एल अ‍ॅण्ड टी युनियन संघाचे कार्याध्यक्ष शिवचंद्र काळे यांना सकाळी ११ वाजताच्या सुमारास पोलिसांनी अचानकपणे ताब्यात घेतले. या प्रकाराची माहिती होताच अल्ट्राटेक कामगारांनी ११ वाजता उत्खनन आणि उत्पादन, अशा दोन्ही ठिकाणचे काम बंद पाडले. काळे यांना विनाशर्त सोडत नाही, तोपर्यंत बेमुदत संप पाळण्याचा कामगारांनी निर्णय घेतला आहे. सध्या कंपनी परिसरात तणाव असून, पोलिस बंदोबस्त वाढविण्यात आला आहे.

Author: ‎खबरबात

खबरबात™ (Khabarbat™) हे मराठी माध्यमातील लोकप्रिय वेबपोर्टल आहे. ताज्या बातम्यांसह डिजिटल अपडेट, राजकीय, सामाजिक, पर्यावरण, रोजगार, बिझनेस बातम्या दिल्या जातात. भारत सरकारच्या माहिती व प्रसारण खात्याच्या डिजिटल मीडिया विभागाकडे Intermediary Guidelines and Digital Media Ethics Code) Rules 2021 नुसार नोंदणीकृत आहे.