by चिमूर गडचिरोली लोकसभा मतदारसंघातून निवडणूक लढण्यासाठी तिकीट मागितली
नागपूर, 3 सप्टेंबर 2023
राज्याचे अन्न व औषध प्रशासन मंत्री राजे धर्मराव बाबा आत्राम यांनी राष्ट्रवादी काँग्रेसच्या कार्याध्यक्षंकडे चिमूर गडचिरोली लोकसभा मतदारसंघातून निवडणूक लढण्यासाठी तिकीट मागितली आहे. नागपूर येथे आयोजित संकल्प मेळाव्यात राष्ट्रवादी काँग्रेस पार्टीचे राष्ट्रीय कार्याध्यक्ष प्रफुल्ल पटेल यांच्याकडे त्यांनी ही मागणी केली.
आत्राम हे राष्ट्रवादी काँग्रेसचे अहेरी विधानसभा क्षेत्राचे आमदार आहेत. लोकसभा निवडणूक लढण्यासाठी त्यांनी मागील काही दिवसांपासून सोशल मीडियाच्या माध्यमातून तयारी सुरू केली आहे ते चंद्रपूर जिल्ह्यातील सावली ब्रह्मपुरी नागभीड या भागामध्ये मोठ्या प्रमाणात आपला प्रचार वाढवण्यासाठी प्रयत्न करीत आहेत.
आत्राम यांनी सांगितले की, ते गेल्या अनेक वर्षांपासून चिमूर गडचिरोली लोकसभा मतदारसंघात काम करत आहेत. त्यांनी या मतदारसंघातून अनेक विकासकामांसाठी प्रयत्न केले आहेत. ते या मतदारसंघातून निवडून गेल्यास त्यांचा विकासाला वेग मिळेल, असे ते म्हणाले.
आत्राम यांनी आपल्या मागणीसाठी प्रफुल्ल पटेल यांच्यासमोर आपली कार्यक्षमता व अनुभव यांचा युक्तिवाद केला. त्यांनी सांगितले की, ते चिमूर गडचिरोली लोकसभा मतदारसंघातून राष्ट्रवादी काँग्रेसला विजय मिळवून देण्यासाठी पूर्ण प्रयत्न करतील.
प्रफुल्ल पटेल यांनी आत्राम यांच्या मागणीचा विचार करण्याचे आश्वासन दिले आहे. ते लवकरच आत्राम यांच्याशी चर्चा करून त्यांच्या मागणीबाबत निर्णय घेतील.
आत्राम यांच्या मागणीमुळे चिमूर गडचिरोली लोकसभा मतदारसंघातील राजकीय समीकरणे बदलण्याची शक्यता आहे. या मतदारसंघात भाजपचे विद्यमान खासदार अशोक नेते हे आहेत.
आत्राम यांच्या या मागणीवर राष्ट्रवादी काँग्रेस पक्ष काय निर्णय घेतो हे पाहणे औत्सुक्याचे ठरेल. राष्ट्रवादी काँग्रेसमध्ये दोन गट पडले असून अजित पवार यांच्या गटात राजे धर्मराव बाबा आत्राम हे मंत्री आहे दुसरीकडे या गटाने भाजप सोबत युती करून लोकसभा निवडणूक लढल्यास चिमूर गडचिरोली लोकसभा क्षेत्र भाजपच्या ताब्यात असल्याने ते राष्ट्रवादीसाठी जागा सोडणार का, हे देखील पाहणे महत्वाचे आहे.
