by 
कोल्हापूर जिल्ह्यासह आज सांगली आणि सातारा जिल्ह्यात आज (16 ऑगस्ट) सकाळी भूकंपाचे सौम्य धक्के जाणवले. 3.4 रिश्टर स्केल तीव्रतेचा भूकंप झाला. नॅशनल सेंटर फॉर सिस्मॉलॉजीनुसार, भूकंपाचा केंद्रबिंदू जमिनीपासून 5 किमी खाली होता.
Earthquake of Magnitude:3.4, Occurred on 16-08-2023, 06:45:05 IST, Lat: 17.19 & Long: 73.79, Depth: 5 Km, Location: Kolhapur, Maharashtra, India,”
कोल्हापूरपासून 76 किमी अंतरावर चांदोली अभयारण्य परिसरात भूकंपाचे धक्के जाणवले. आज (16 ऑगस्ट) सकाळी 6 वाजून 45 मिनिटांनी भूकंपाचे धक्के जाणवले.
सतारा जिल्ह्यातील पाटण शहरासह लगतच्या गावांमध्ये भूकंपाचे धक्के जाणवले. पहाटे 6.40 मिनिटांनी भूकंपाचा धक्का बसला. मॉर्निग वाॅकसाठी बाहेर पडलेल्या नागरिकांमध्ये त्यामुळे भीतीचे वातावरण पसरले. कोयना धरणापासून 20 किलोमीटर अंतरावर भूकंप धक्के जाणवले असून धरण सुरक्षित आहे. भूकंपामुळे कोणतीही जीवितहानी झालेली नाही.
Rain Update
भारतीय हवामानशास्त्र विभागाने दिलेल्या माहितीनुसार, जुलैमध्ये सर्वाधिक पाऊस पडला. हवामान भारतीय हवामान विभाग, प्रादेशिक हवामान केंद्र, नागपूरच्या जिल्हास्तरीय मूल्य वर्धित अंदाजानुसार विदर्भातील जिल्हयामध्ये पुढील पाच दिवसात १५ ते १९ ऑगस्ट २०२३ रोजी आकाश ढगाळ राहून कमाल तापमान ३०.९ ते ३१.६ अंश सेल्सिअस तर किमान तापमान २४.४ ते २४.८ अंश सेल्सिअस राहून दिनांक १५ ऑगस्ट रोजी तुरळक/एक किंवा दोन ठिकाणी खूप हलका ते हलका स्वरूपाचा पाऊस पडण्याची अधिक शक्यता आहे.
