राष्ट्रसंताचे साहित्य आता Tukdojimaharaj.com वर उपलब्ध !

www.Tukdojimaharaj.com संकेतस्थळ

गुरुकुंज आश्रम (वार्ताहर)-  

राष्ट्रसंत तुकडोजी महाराजांचे साहीत्य जगामध्ये उपलब्ध करुन देण्यासाठी केंद्र व राज्यसरकारच्या तसेच कार्पोरेट क्षेत्रातील कंपन्यांचे जनसंर्पकाचे कामकाज करणाऱ्या द पीआर टाईम्स लिमिटेड कंपनीने सामाजिक उत्तरदायित्व म्हणुन www.Tukdojimaharaj.com असे संकेतस्थळ तयार केले आहे. 

राष्ट्रसंत तुकडोजी महाराजांच्या 114 व्या ग्रामजंयतीच्या पर्वावर संकेतस्थळाचे अनावरण अखिल भारतीय श्रीगुरुदेव सेवा मंडळाच्या अध्यक्षा पुष्पाताई बोंडे व सर्वाधीकारी लक्ष्मण गमे यांच्या हस्ते गुरुकुंज आश्रम येथे करण्यात आले.

माझे साहित्य स्वार्थपुर्तीसाठी न वापरता लोककल्याणासाठी माझ्या वाड्मयाला करोडो मुखी व कानी जाऊ द्यावे असा अखेरचा संदेश ऑडीयो स्वरुपात राष्ट्रसंत तुकडोजी महाराजांनी आपल्या निर्वाणापुर्वी 20 ऑगस्ट 1968 रोजी बॉम्बे हॉस्पीटल येथुन दिला होता.राष्ट्रसंताचे तत्कालिन सचिव जनार्दन बोथे यांनी हा संदेश तेव्हा रेकार्ड करुन प्रसुत केला होता.राष्ट्रसंताच तो संदेश आता खऱ्या अर्थाने या संकेतस्थळाच्या माध्यमातून जगाच्या काना कोपऱ्यात पोहचुन पुर्णत्वाकडे जात आहे.

राष्ट्रसंतांनी 5000‍ हजार प्रकारची गद्य व पद्य प्रकारच्या विशाल ग्रंथसंपदेची रचना केली.त्यामध्ये खास करून ग्रामगीता,मेरी जापान यात्रा,अंभगगाथा,लहरकी बरखा,श्रीगुरुदेव मासिक,आदेश रचना इत्यादी ग्रंथसंपदेचा समावेश आहे.

www.Tukdojimaharaj.com या संकेतस्थळावरुन एका क्लीकवर आता महाराजांचे साहित्य जगामध्ये आर्डर केल्यावर मिळु शकेल.त्याचबरोबर 1944 साली राष्ट्रसंत तुकडोजी महाराजांनी गोरगरीबांसाठी स्थापन केलेल्या श्रीगुरुदेव आयुर्वेद रसशाळेची औषधी सुध्दा यांच संकेतस्थळावरुन उपलब्ध होणार आहे.

उद्दिष्टे

• राष्ट्रसंत तुकडोजी महाराजांचे जीवनदर्शन आणि विचार यांचा प्रचार व प्रसार करणे
• गुरुदेव सेवा मंडळाच्या माध्यमातून राज्याच्या कानाकोपऱ्यातील गावी ग्रामगीता व गुरु संदेशाची पेरणी
• अध्यात्म आणि ग्रामोद्धार यांसाठी नागरिकांच्या सक्रिय सहभागातून कार्य

या संकेतस्थळाच्या निमिर्तीची संकल्पना द पीआर टाईम्स लिमिटेडचे संचालक निखीलेश सावरकर,कंपनीच्या माध्यम व जनसंपर्क संचालिका भूमिता सावरकर यांची असुन, कंपनीचे वेब डेव्हलपर निशांत मल्होत्रा,अमित बोरकर,स्वप्नील भोगेकर,रोहीत अतकरे,प्रतीक घोगले,सृष्टी पटेल,स्पनील डोंगरवार ही चमु संकेस्थळाला जागतिक किर्तीमान मिळुन देण्यासाठी अहोरात्र झटत असुन महाराजाच्या पुण्यतिथी पर्वापर्यंत पुर्णपणे संकेतस्थळ विकसित होणार आहे. संकेतस्थळाच्या औपचारीक अनावरणा प्रसंगी अखिल भारतीय श्रीगुरुदेव सेवा मंडळाचे उपसर्वाधीकारी दामोदर पाटील,प्रचारप्रमुख प्रकाश वाघ, सेवाश्रम समिती प्रमुख डॉ राजाराम बोथे, आरोग्य विभाग प्रमुख डॉ पुरुषोत्तम पाळेकर दिलीप कोहळे,सुशिल वणवे,डॉ दिगंबर निघोंट यांच्यासह केंद्रीय कार्यकारीणीचे सर्व पदाधीकारी,कार्यकर्ते व भाविक यावेळी उपस्थित होते.

SHARE THIS