पोटाच्या मुलीचे लग्न लावून परतणाऱ्या पालकांसह चार जणांचा मृत्यू

झरखंड राज्यातील गुमला जिल्ह्यातील डुमरी परिसरात भीषण रस्ता अपघात झाला आहे. या अपघातात आपल्या मुलीचे लग्न लावून परतणाऱ्या पालकांसह चार जणांचा मृत्यू झाला, तर 12 जण जखमी झाल्याची माहिती आहे. अचानक चालकाचा पिकअप व्हॅनवरील ताबा सुटल्याने गाडी पलटी झाली. अपघातात मृत्युमुखी पडलेल्या लोकांप्रती शोक व्यक्त करताना मुख्यमंत्री हेमंत सोरेन यांनी ट्विट केले. (Road accident) सुंदर ग्यार हे त्यांच्या कुटुंबातील सर्व सदस्यांसह मुलीच्या लग्नासाठी गेले होते. ही घटना घडली तेव्हा कुटुंबीय लग्न करून परतत होते. आपल्या मुलीच्या लग्नासाठी हे कुटुंब मंगळवारी सकाळी नऊ वाजता झरी पोलीस ठाण्याच्या सारंगडीह गावात पोहोचले होते. लग्न आटोपून रात्री साडेआठ वाजता पिकअपवरून परतत होते. दरम्यान, जर्दा गावाजवळ चालकाचे पिकअपवरील नियंत्रण सुटले. गाडी खड्ड्यात पडली. या भीषण अपघातात 4 जणांचा मृत्यू झाला असून 12 जण जखमी झाल्याची माहिती आहे.

SHARE THIS