संजीव बडोले, प्रतिनिधी.
नवेगावबांध दि.२२एप्रिल:-
गोंदिया जिल्ह्यातील सडक अर्जुनी तालुक्यात आज २२एप्रिल रोज शनिवारला ला तालुक्यात सायंकाळी ४.३० ते ५ वाजेदरम्यान वादळ वा-यासह आलेल्या अवकाळी पावसाने, धान व मका पिकांचे मोठे नुकसान झाले आहे. तालुक्यातील गोसाई कोकणा येथे वादळ वा-यासह आलेल्या अवकाळी पाऊस व गारपीटीने धान ,मका व अन्य पिकांचे मोठे नुकसान झाले आहे. गेला दोन तीन दिवसापासून मौसम खराब आहे. वादळ वारा येत होता मात्र पाऊस आलेला नव्हता. आज मात्र वादळ वा-यासह आलेल्या अवकाळी पाऊस व गारपीटीने शेतकऱ्यांचे शेतातील पिकांचे नुकसान झाले असून शेतकऱ्यांवर अस्मानी संकट कोसळले आहे.यामुळे शेतकऱ्यांचे मोठे आर्थिक नुकसान झाले आहे.झालेल्या नुकसानीचे त्वरीत पंचनामे करून शेतकऱ्यांना आर्थिक मदत द्यावी, अशी मागणी शेतकऱ्यांनी केली आहे.
