बुधवार, फेब्रुवारी १६, २०२२

📚 सूर्यांश साहित्य पुरस्कार -२०२१ साठी पुस्तके पाठविण्याचे आवाहन 📖 #suryansh

📚

सूर्यांश साहित्य पुरस्कार -२०२१ साठी पुस्तके पाठविण्याचे आवाहन 📖

चंद्रपुरातील *सूर्यांश साहित्य व सांस्कृतिक मंच, चंद्रपूर तर्फे मराठी भाषेत प्रकाशित साहित्यकृतींना राज्यस्तरीय सूर्यांश साहित्य पुरस्कार प्रदान केले जात असून सदर पुरस्कार राज्यातल्या साहित्यक्षेत्रात अतिशय सन्मानाचे मानले जातात. कथा, कविता, कादंबरी नाटक आणि बालसाहित्यासाठी राज्यस्तरीय साहित्य पुरस्कार प्रदान करण्यात येतील. दिनांक ०१ जानेवारी २०२१ ते ३१ डिसेंबर २०२१ दरम्यान प्रकाशित साहित्यकृती पात्र असतील.

- प्रा. दिलीप बोढाले स्मृती कथासंग्रह पुरस्कार-

- श्री अशोक सिंह ठाकूर पुरस्कृत कादंबरी पुरस्कार -

- कवी शिवाजी चाळक पुरस्कृत कवितासंग्रह पुरस्कार-

- विमलबाई देशमुख बालसाहित्य पुरस्कार-

- डॉ श्याम मोहरकर पुरस्कृत नाट्यलेखन पुरस्कार-

आणि या वर्षीपासून कवयित्री सीमा पाटील पुरस्कृत आत्मकथन/ स्वकथन पुरस्कार

डॉ. विद्याधर बन्सोड पुरस्कृत वैचारिक लेखन पुरस्कार

असे दोन नवे पुरस्कार प्रदान केले जातील.

उपरोक्त सर्व पुरस्काचे स्वरूप २०००/- रुपये रोख,आकर्षक सन्मानचिन्ह, सन्मानपत्र, शॉल आणि श्रीफळ असे असून उपरोक्त सर्व पुरस्काराची निवड साहित्य क्षेत्रातील मान्यवरांच्या निवड समितीद्वारे करण्यात येते. या पुरस्कारांसाठी संस्थेच्या प्रतिसादाला आवाहन देत महाराष्ट्रातील मान्यवर साहित्यिकांनी व प्रकाशकांनी दिनांक १ जानेवारी २०२१ ते ३१ डिसेंबर २०२१ या दरम्यान प्रकाशित झालेल्या पुस्तकांच्या २ प्रति

श्री विवेक पत्तीवार, तुषार एजेंसी, जनता महाविद्यालयासमोर, नागपूर मार्ग चंद्रपूर - ४४२४०२ या पत्त्यावर दिनांक १५ एप्रिल २०२२ पर्यंत पाठविण्याचे आवाहन संस्थेतर्फे करण्यात आले आहे.

*विशेष टीप*- प्राप्त साहित्यप्रकारात पाच प्रवेशिका असल्यासच त्या साहित्यप्रकारात पुरस्कार प्रदान केले जातील...

पुरस्कार केवळ कथा, कविता, नाटक, वैचारिक, बालसाहित्य, कादंबरी आणि आत्मकथन/ स्वकथन याच प्रकारात दिल्या जातील. या व्यतिरिक्त अन्य कोणतेही वाङ्मयप्रकार पाठवण्यात येऊ नये.

पुरस्कार प्राप्त मान्यवरानी उपस्थित राहून पुरस्कार स्वीकारावा. मान्यवर उपस्थित नाही राहल्यास सदर पुरस्कार पोस्टाने किंवा कुरियरने पाठवण्यात येणार नाही याची नोंद घ्यावी.

*इरफान शेख*

अध्यक्ष

*प्रदीप देशमुख*

सचिव

- *गीता देव्हारे- रायपुरे*

प्रसिद्धिप्रमुख व लोकसंपर्क,

तसेच

*सूर्यांश साहित्य व सांस्कृतिक मंच चंद्रपूर* कार्यकारिणी

Author: ‎खबरबात

खबरबात™ (Khabarbat™) हे मराठी माध्यमातील लोकप्रिय वेबपोर्टल आहे. ताज्या बातम्यांसह डिजिटल अपडेट, राजकीय, सामाजिक, पर्यावरण, रोजगार, बिझनेस बातम्या दिल्या जातात. भारत सरकारच्या माहिती व प्रसारण खात्याच्या डिजिटल मीडिया विभागाकडे Intermediary Guidelines and Digital Media Ethics Code) Rules 2021 नुसार नोंदणीकृत आहे.