बुधवार, मार्च २४, २०२१

घरफोडी करणाऱ्या 5 आरोपींना बेड्या; दोन लाखांचा मुद्देमाल जप्त

चंद्रपुरात घरफोडी करणाऱ्या 5 आरोपींना रामनगर पोलिसांनी अटक केली आहे. तसेच आरोपींकडून चोरीतील सोन्या चांदीच्या दागिन्यांसह दुचाकी असा एकूण 2 लाख 1 हजार 450 रुपयांचा मुद्देमाल जप्त केला आहे.रूप उर्फ अबीर सोम दत्त,यश रवींद्र फुलझेले,विकास दशरथ भोयरवार, चिराग जयंत आत्राम व वैभव रामदास गाडगे असे अटकेतील आरोपीची नाव आहेत.चंद्रपूर शहरात मोठ्या प्रमाणात चोरीच्या तसेच घरफोडीच्या घटना घडल्या आहेत.या अनुषंगाने रामनगर पोलिसांचे पथक आरोपींच्या शोधात होते. अशातच रामनगर पोलिसांना घरफोडी करणाऱ्या आरोपींबाबत गोपनीय माहिती मिळाली होती, या माहितीच्या आधारे पोलिसांनी सापळा रचून ताब्यात घेतले, त्यांची कसून चौकशी केली असता त्यांनी घरफोडी केल्याची कबुली दिली. यावेळी पोलिसांनी 5 आरोपींना अटक केली असून 2 लाखांचा वर मुद्देमाल जप्त केला आहे. ही कारवाई पोलीस निरीक्षक रोशन यादव यांच्या मार्गदर्शनाखाली सहायक पोलीस निरीक्षक मलिक,एकरे, रजनिकांत पुठ्ठावार आदींनी केली.

Author: ‎खबरबात

खबरबात™ (Khabarbat™) हे मराठी माध्यमातील लोकप्रिय वेबपोर्टल आहे. ताज्या बातम्यांसह डिजिटल अपडेट, राजकीय, सामाजिक, पर्यावरण, रोजगार, बिझनेस बातम्या दिल्या जातात. भारत सरकारच्या माहिती व प्रसारण खात्याच्या डिजिटल मीडिया विभागाकडे Intermediary Guidelines and Digital Media Ethics Code) Rules 2021 नुसार नोंदणीकृत आहे.