by पुसेसावळी :(राजु पिसाळ)
खटाव तालुक्यातील जयराम स्वामीचे वडगाव येथील माजी सैनिक अशोक रामराव घार्गे यांच्या पत्नीकडुन राहत्या घरातुन सोने पालिश करून देण्याचं आमिष दाखवून साडेपाच तोळेचा सुवर्ण अलंकार लंपास केला.
याबाबत अधिक माहिती अशी की दुपारच्या वेळेत दोन अनोळखी इसम त्यांच्या घराजवळ आले त्यांनी आम्ही सोने चांदीचे पाॅलिश करतो तुमचे करायचे असेल दया आम्ही बिना मोबदला पाॅलिश करुन देतो.
या अमिशाला बळी पडुन अशोल घार्गे यांच्या पत्नीने आपल्या जवळील साडेपाच तोळयाचा सुवर्ण अलंकार दिला. आणि त्या इसमांनी तो त्यांना पाॅलिश केला आहे असे सांगुन त्या भांडयातुन अर्धा तास बाहेर काढु नका असे सांगुन ते इसम तेथुन लंपास झाले
त्यानंतर अापली फसवणुक झालेचे लक्षात आलेवर त्यांनी अाैंध पोलिसला झालेली घटना सांगितली त्याचप्रमाणे अनोळखी इसमावरती फसवणुकीचा गुन्हा दाखल करण्यात आला आहे .तरी या गुन्हयाचा तपास पोलीस निरिक्षक विलास कुबले करित आहेत.
अोैंध पोलीस अंतर्गत येणार्‍या गावामध्ये अनोळखी व्यक्ती दिसल्यास पोलीस स्टेशनची संपर्क साधावा तसेच अशा प्रकाराच्या घटना हातचलाकीने केल्या जातात तरी अशा व्यक्तिंना बळी पडु नये असे आवाहन केले.
सहाय्यक पोलिस निरिक्षक
श्री.सुनिल जाधव
