by
चंद्रपूर/प्रतिनिधी:
नागपूर महानगर प्रदेश विकास प्राधिकरणाने नागपूर जिल्ह्याच्या ७१९ ग्रामपंचायतीतील दोन लाख घरे अनधिकृत असल्याचे घोषित केले असून, ही घरे तोडण्याची कारवाई होणार आहे. त्यामुळे ही कारवाई बंद न केल्यास तीव्र आंदोलन करण्याचा इशारा जय जवान, जय किसान संघटनेचे अध्यक्ष प्रशांत पवार यांनी पत्रकार परिषदेत दिला.
नागपूर महानगर प्रदेश विकास प्राधिकरणाच्या सभापती शीतल उगले यांच्या वक्तव्यानुसार अनधिकृत घरे तोडण्याची कारवाई होणार आहे.
या कारवाईबाबत बोलताना प्रशांत पवार म्हणाले, या कारवाईमुळे दोन लाख घरमालकांचे आर्थिक नुकसान होऊन १५ लाख नागरिक बेघर होणार आहेत.गावकऱ्यांना, व्यापाºयांना, कारखानदारांना व भूखंडधारकांना त्रस्त करून त्यांच्याकडून पैसा वसूल करणे हा शासनाचा उद्देश आहे. यात ज्या ग्रामपंचायत सदस्य, सरपंच, जिल्हा परिषद सदस्यांनी अनधिकृत बांधकामे केली त्यांचे सदस्यत्व रद्द करण्याची तरतुद आहे. व्हीसीए स्टेडियमही अनधिकृत असून, या स्टेडियमवर ५ मार्चला होणारा सामना रद्द करण्याची मागणी करण्यात आली.
घरे तोडण्याची कारवाई बंद न केल्यास तीव्र आंदोलन छेडण्याचा इशारा यावेळी देण्यात आलापत्रकार परिषदेला जय जवान, जय किसान संघटनेचे सचिव अरुण वनकर, विजयकुमार शिंदे, मिलिंद महादेवकर, उत्तम सुळके, शेखर शिरभाते, रवींद्र इटकेलवार उपस्थित होते.
