by 
चंद्रपूर/प्रतिनिधी: चंद्रपूर व गडचिरोली जिल्हृयातील सर्व माजी सैनिकांना,विधवांना व त्यांच्या अवलंबितांना कळविण्यात येते की,गार्डस रेजिमेंटल सेंटर व एम.एम.एच.कामठी यांचे सहकार्याने 26 जून 2018 रोजी सकाळी 10 ते दुपारी 3 वाजेपर्यत जिल्हाधिकारी कार्यालय,चंद्रपूर परिसरातील सभागृह बचत साफल्य भवन येथे वैद्यकीय तपासणी,सी.एस.डी. कॅन्टीन सुविधा,निवृत्ती कुटूंब निवृत्ती वेतनाबाबतच्या समस्या सोडविण्याबाबत तसेच डिआयव्हि पोर्टलवर सर्व माजी सैनिक व माजी विधवांच्या नोंदणीसाठी माजी सैनिक मेळावा आयोजित करण्यात आला आहे.
तरी सदर मेळाव्यास येतांना सर्वानी आपल्यासोबत डिस्चार्ज बुक,ओळखपत्र,पी.पी.ओ. पासबुक, आधारकार्ड, कॅन्टीन कार्ड व तीन पासपोर्ट साईज फोटोग्राफ आणणे आवश्यक आहे.तरी चंद्रपूर व गडचिरोली जिल्हयातील सर्व माजी सैनिकांनी, विधवांनी व त्यांच्या अवलंबितांनी या मेळाव्यादरम्यान मिळणाऱ्या सुविधांचा लाभ घेऊन या मेळाव्यास यशस्वी करावे असे,जिल्हा सैनिक कल्याण अधिकारी, चंद्रपूर यांनी कळविले आहे.
