आज पिपर्डा येथे स्वच्छता महोत्सव

चंद्रपूर (प्रतिनिधी)  - मागील वर्षापासून ग्रामस्थांच्या सहभागातून वर्षाच्या अखेर विविध ग्रामविकासाच्या कामातून करण्याचा निर्धार कोरपना तालुक्यातील पिपर्डा येथील ग्रामस्थांनी केलेला आहे. यावर्षी सुध्दा पिपर्डा येथील सामाजिक कार्यकर्ते आबीद अली यांच्या मार्गदर्शना खाली ग्रामस्थांनी दिनांक 30 डिसेंबर 2017 रोजी संध्याकाळी ठिक 7.00 वाजता गावात भव्य स्वच्छता महोत्सवाचे आयोजन केलेले आहे.
पिपर्डा येथील आयोजित स्वच्छता महोत्सवास अध्यक्ष म्हणून राजुरा विधानसभा क्षेत्राचे आमदार ॲङ संजय धोटे, कार्यक्रमाचे प्रमुख उदघाटक म्हणून जिल्हा परिषदचे मुख्य कार्यकारी अधिकारी जितेंद्र पापळकर, प्रमुख अतिथी म्हणून जिल्हा परिषदचे अध्यक्ष देवराव भोंगळे, उप मुख्य कार्यकारी अधिकारी (पाणी व स्वच्छता) रविंद्र मोहिते, राजुराचे उपविभागीय अधिकारी दयानिधी, कोरपना तहसिलदार हरीश गाडे, पंचायत समिती कोरपनाचे गट विकास अधिकारी डॉ. संदिप घोन्सीकर, तालुका कृषी अधिकारी वानखेडे, पोलीस निरिक्षक परघने कार्यक्रमाला उपस्थित राहणार आहेत.
कार्यक्रम दरम्यान ग्रामस्थांना ग्रामविकासावर मार्गदर्शन केले जाणार असून, मान्यवरांच्या हस्ते वृक्षारोपन, शादीखाना सभागृहाचे भूमिपूजन, सिमेंट रस्ता कामाचे भूमिपूजन, प्रधानमंत्री व रमाई आवास योजना घरकूल कामाचे भूमिपूजन, गोमाता पूजन, पंडित दिनदयाल उपाध्याय वाचनालय लोकार्पण, ग्रामस्वच्छतेत योगदान दिलेल्या जेष्ठ नागरिकांचा सत्कार करण्यात येणार येत असल्याचे पिपर्डा ग्रामपंचायतीचे सरपंच चंद्रभान तोडासे, सामाजिक कार्यकर्ता आबीद अली यांनी कळविले आहे.

SHARE THIS