by चंद्रपूर/प्रतिनिधी :- सर्वसामान्य जनतेच्या तक्रारी आणि अडचणी यांची न्याय व तत्परतेने शासकीय यंत्रणेकडून सोडवणूक करण्यासाठी एक प्रभावी उपाययोजना म्हणून लोकशाही दिन जिल्हाधिकारी चंद्रपूर यांचे अध्यक्षतेखाली दर महिन्याच्या पहिल्या सोमवारी आयोजित करण्यात येते. या लोकशाही दिनानिमित्य नागरीक व शेतकरी जिल्हाधिकारी चंद्रपूर यांचेकडे तक्रार दाखल करतात.
नोव्हेबर महिन्याचा पहिला सोमवार हा 6 नोव्हेबर 2017 रोजी येत असल्यामुळे यादिवशी लोकशाही दिनाचे आयोजन नेहमीप्रमाणे दुपारी 1.00 वाजता जिल्हाधिकारी कार्यालय, चंद्रपूर येथे करण्यात येईल. जिल्हास्तरीय लोकशाही दिनात तक्रार सादर करतांना विहीत नमुन्‍यातील तक्रार अर्जासोबत तालुका लोकशाही दिनातील टोकन क्रमांकाच्या प्रतीसह अर्ज सादर करावे. त्यानंतरच सदर तक्रार अर्ज स्विकारण्यात येईल. या लोकशाही दिनात निवेदन स्विकारण्याची वेळ दुपारी 12.00 ते 1.00 वाजेपर्यंत राहील असे निवासी उपजिल्हाधिकारी यांनी कळविले आहे.
