by भाजपाचे माजी प्रदेशाध्यक्ष आ. सुधीर मुनगंटीवार विधानसभा निवडणुकीसाठी त्यांचा उमेदवारी अर्ज शुक्रवार, २६ सप्टेंबर रोजी उपविभागीय अधिकारी कार्यालय मुल येथे दाखल करणार आहे.
२६ सप्टेंबर रोजी सकाळी ११ वाजता भाग्यरेखा सभागृह मूल येथून रॅलीने पदाधिकारी, कार्यकर्ते व समर्थकांसह आ. सुधीर मुनगंटीवार उपविभागीय अधिकारी कार्यालयात जाऊन आपला उमेदवारी अर्ज दाखल करणार आहे.
उमेदवारी अर्ज भरताना आवश्यक असलेली १० हजार रुपये अनामत रक्कम नागरिकांकडून आशीर्वादपर १ रुपया मदतनिधी घेऊन आ. सुधीर मुनगंटीवार भरणार आहेत. यासाठी गेल्या आठवडाभरापासून भाजपाचे पदाधिकारी व कार्यकर्ते मतदारसंघातील नागरिकांशी संपर्क साधून आशीर्वादपर मदतनिधी शुल्क गोळा करीत आहेत. मदतनिधी देणार्‍या मतदारांना आ. मुनगंटीवार यांच्या स्वाक्षरीचे आभारपत्रसुद्धा देण्यात येत आहे.
