बेपत्ता संदीपचा मृतदेह गोसेखुर्दच्या कालव्यात

ब्रह्मपुरी-  दोन दिवसांपासून बेपत्ता असलेल्या आवळगावातील संदीप नरुले या एकवीस वर्षीय युवकाचा मृतदेह गोसेखुर्दच्या कालव्यात आढळून आला. पोलिसांनी गावातील दोघांना चौकशीसाठी ताब्यात घेतले. त्यांची नावे सांगण्यास पोलिस मागेपुढे पाहत आहेत.  आवळगाव येथील संदीप घनश्‍याम नरुले हा प्रातर्विधीला जातो म्हणून सायकलीने निघाला. त्यापूर्वी आवळगावच्या बसस्थानकावर त्याला अनेकांनी पाहिले. जेवणाची वेळ झाली तरी तो आला नाही. त्यामुळे घरच्यांनी त्याची शोधाशोध सुरू केली. मात्र, त्याचा कुठेच पत्ता लागला नाही. बुधवारी (ता.17) त्याचा मृतदेह आगर तलावाला लागून असलेल्या गोसेखुर्दचा उजव्या कालव्यात आढळून आला. त्याचे हातपाय बांधून होते. त्यामुळे त्याचा खून करून त्याला फेकण्यात आल्याचा पोलिसांचा अंदाज आहे.

SHARE THIS