by मूल : तालुक्यातील लालहेटी (घोसरी) परिसरात गुप्तधन शोधण्यासाठी पूजाअर्चा करण्याच्या साहित्याचा वापर करून पूजा करणाच्या प्रयत्नात असलेल्या टोळीचा गावकर्‍यांनी पर्दाफाश करून बेंबाळ पोलिसांच्या स्वाधीन केले. तीघांना अटक करून पुजेचे साहित्य जप्त केले. तर उर्वरित अकरा आरोपी पसार झाले.
आरोपींमध्ये क्रि ष्णा जोगेंद्र मंडल (३१), रा. कोनसरी (जि. गडचिरोली), रामा भीमराव आत्राम रा. परसोडी, महादेव कैकू आत्राम (६0) रा. मुच्छीमारशी (जि. यवतमाळ) यांचा समावेश आहे. पसार झालेल्या आरोपींचा शोध पोलिस घेत आहेत. बुधवारला घोसरी येथे एका नाट्यप्रयोग सादर केला जात होता. गावकरी नाट बघण्यात मग्न असताना सदर गुप्तधन शोधणारी टोळीने घटनास्थळ गाठून खोदकाम करीत होते. ही बाब या गावातील आत्माराम पाल यांच्या लक्षात येताच अख्खे गावकरी घटनास्थळाकडे धावले. आरोपींना पकडून चांगलाच चोप दिला. त्यानंतर बेंबाळ पोलिसाच्या तीघांनाही स्वाधीन केले. पण गावकरी येताच यातील अकरा आरोपी पसार होण्यास यशस्वी झाले. पोलिसानी आरोपींवर गुन्हा दाखल करून पसार आरोपींचा शोध सुरू केला आहे. ही कारवाई पोलिस निरीक्षक ताजने यांच्या मार्गदर्शनात पोलिस उपनिरीक्षाक उंदीरवाडे यांनी केली.
