धनगर समाजाच्या मोर्चात चंद्रपूरातुन हजारो सामिल

धनगर समाज आरक्षण संघर्ष समितीच्या वतीने अधिवेशनादरम्यान काढलेल्या मोर्चात चंद्रपूर जिल्हयातील हजारो समाज बांधव सहभागी झाले होते. धनगर समाजाला अनुसुचित जमातीचे आरक्षण लागू करावे, चराई क्षेत्र उपलब्ध करून पासेस द्यावे व इतर मागण्यासाठी 19 डिसेंबरला मोर्चा काढण्यात आला. या मोर्चा करीता जिल्हयातील जबाबदारी डाॅ. तुषार मर्लावार व संजय कन्नावार यांचेकडे होती. यांनी मोर्चा यशस्वी करण्याकरीता गावागावातुन मोटार सायकल रॅली काढुन मोर्चात सहभागी होण्याचे आवाहन केले. परीणामी सावली, मूल, सिंदेवाही, नागभीड, गोंडपिपरी,चंद्रपूर तालुक्यातुन 5 हजाराचे वर समाजबांधव मोर्चा सहभागी झाले. मोर्चात सहभागी झाल्यामुळे डाॅ.तुषार मर्लावार व संजय कन्नावार यांनी बांधवांचे आभार मानले आहे.

SHARE THIS