Khabarbat™: सामाजिक संस्था

सामाजिक संस्था लेबल असलेली पोस्ट दाखवित आहे. सर्व पोस्ट्‍स दर्शवा

शनिवार, एप्रिल २४, २०२१

सामाजिक संस्था,अनामप्रेम

by ‎खबरबात

सेवाभावी संस्था

अनामप्रेम

____________________________

माहिती सेवा ग्रूप पेठवडगाव

____________________________

फेसबुक लिंक http://bit.ly/3vf6OwB

मागील काही वर्षात आपल्या समाजात विविध विषयांची बरीच जनजागृती होत आहे. अनेक संस्था, प्रतिष्ठान आपापल्या परीने समाजासाठी आपापले योगदान देत आहेत. याचा अभिमान नक्कीच आहे. नावे आणि कार्ये जरी वेगवेगळी असली, तरी त्यांचा अंतिम उद्देश समाजासाठी काही भरीव कार्य करणे हाच असतो. आजही अनेक संस्था अशा आहेत ज्यांचे कार्य सर्वांपर्यंत पोहोचत नाही. या संस्थांचे कार्य सर्वत्र पोहोचवता यावे, त्यांच्या कार्याची माहिती सर्वांना मिळावी म्हणुन माहिती सेवा ग्रूप पेठवडगाव आपणास काही सामाजिक संस्था व त्यांच्या कार्याची माहिती देत आहे
संस्थेचे नाव: अनामप्रेम
नोंदणी क्रमांक: महा./६५/०६/अ. नगर
पत्ता: अनामप्रेम भवन, गांधी मैदानाजवळ, अहमदनग
संस्थेचे कार्य:
२००५ मधे काही उत्साही तरूणांनी एकत्र येऊन अनामप्रेम या संस्थेची स्थापना केली. ही संस्था मुख्यतः अपंग, अंध व मूक-बधीर तरूणांसाठी काम करते. या संस्थेला सरकारी अनुदान मिळत नसून आपल्यासारख्या देणगीदारांच्या मदतीवरच संस्थेचे वेगवेगळे उपक्रम चालू असतात. संस्था रजिस्टर्ड असून संस्थेला दिलेल्या डोनेशनला: ८० जी खाली सवलत आहे.
संस्था सध्या चालवत असलेले उपक्रमः
प्रकाशवाटा: अंध मुलांच्या व्यक्तिमत्त्व विकासासाठी आणि स्पर्धा परीक्षांच्या तयारीतून त्यांना नोकरीसाठी सक्षम बनवण्यासाठी काढण्यात येणारे मराठी ब्रेल भाषेतील एक अद्वितीय मासिक
कॉम्प्युटर ट्रेनिंग सेंटर
इंग्रजी बोलण्याचा वर्ग
हिंमत भवनः ८० मुलामुलींसाठीचे शेल्टर होम
आधारः अंध व अपंगांना दैनंदिन जीवनातील समस्यांवर मात करून स्वावलंबी बनवण्यासाठीचा उपक्रम
हेलन केलर लायब्ररी: ब्रेल पुस्तकांची लायब्ररी
प्रकाशगानः अनामप्रेम येथील तरूणांचा ऑर्केस्ट्रा
मंगल बंधन: अंध, अपंग व मूक-बधीर यांच्यासाठी चालवले जाणारे विवाह जुळवणी केंद्र या तरूणांनी कायम देणगीदारांवर अवलंबून रहाण्यापेक्षा त्यांना विविध कौशल्यांचे प्रशिक्षण देऊन स्वतंत्र व आर्थिक दृष्ट्या मजबूत करण्यासाठी संस्था प्रयत्नशील आहे. त्यासाठी वरील उपक्रमांच्या जोडीने संस्था 'व्होकेशनल ट्रेनिंग सेंटर' सुरू करत आहे.

हे ट्रेनिंग सेंटर' २.५ एकर जागेत बांधले जात असून एप्रिल महिन्यापासून बॅचेस चालू करायचा त्यांचा मानस आहे.
माहिती सेवा गृप पेठवड़गाव
आताची गरज:
१. 'व्होकेशनल ट्रेनिंग सेंटर' च्या बांधकामाच्या निधीसाठी मदत
२. १५ कॉम्प्युटर्स
३. ५० प्लॅस्टिक खुर्च्या
४. प्रिंटर/स्कॅनर/कॉपिअर
सामाजिक उपक्रमाच्या निधीनुसार संस्थेच्या प्राधान्याप्रमाणे वरीलपैकी एका कार्यासाठी निधीचा सदुपयोग करण्यात येईल.
संपर्क:
१. अजित माने
क्रमांक:+91- 7350013801
२. अजित कुलकर्णी
क्रमांक:- +91- 7350013805 / +91-9011020174,
इमेल:- ajitbkul@gmail.com

सामाजिक संस्था,दीनदयाळ संस्था यवतमाळ

by ‎खबरबात

सेवाभावी संस्था

दीनदयाळ बहुउद्देशीय प्रसारक मंडळी, यवतमाळ.

____________________________

माहिती सेवा गृप पेठवड़गाव

____________________________

फेसबुक लिंक http://bit.ly/3niKQWW

दीनदयाळ ही संस्था कोणत्याही शेतकऱ्याला आर्थिक मदत न करता प्रत्येक प्रश्न मुळातून सोडविण्यासाठी त्यावरील दीर्घकालीन उपाययोजनेवर काम करते.
संस्थेकडून आत्महत्याग्रस्त कुटुंबांसाठी, कुटुंब आधार योजना, आत्महत्याग्रस्त परिवाराच्या मुला-मुलींच्या शिक्षणाची व्यवस्था, शैक्षणिक शिष्यवृत्ती प्रकल्प, मानसिक आणि भावनिक आधाराकरिता समुपदेशन या योजना राबविल्या जातात.
याशिवाय शेतकऱ्यांवर आत्महत्या करायची वेळ येऊ नये या दृष्टीने कृषी संशोधन प्रकल्प, जलभूमी विकास प्रकल्प, सेंद्रिय शेती प्रकल्प, शेतीपूरक उद्योग कार्यक्रम इत्यादी प्रकल्प राबविले जातात.
संस्थेचे विविध प्रकल्प आणि त्याला येणारा खर्च.
१. कुटुंब आधार योजनेअंतर्गत शेतकऱयांच्या कुटुंबाना व्यवसाय सुरु करण्यास मदत करण्यात येते. यात गिरणी चालविणे, शिवणकाम, शेळीपालन, नूडल्स बनविणे, दुग्धव्यवसाय, भाजीचे दुकान असे शेतीपूरक व्यवसाय चालू करून दिले जातात. त्याचा खर्च अंदाजे २०,००० ते ४०,००० रु. पर्यंत येतो.
संस्थेने आतापर्यंत १२० परिवारांना मदत केली आहे. अजून २०३ परिवार प्रतीक्षेत आहेत.
२. आत्महत्याग्रस्त कुटुंबातील मुला-मुलींना शिष्यवृत्ती (निवासी) राहणे, खाणे, शाळेची फी, गणवेश, शैक्षणिक साहित्य या सर्वाचा एकूण वार्षिक खर्च :- २०,०००/- रु. प्रत्येकी.
संस्थेने ६५ विद्यार्थ्यांच्या राहण्यासाठी हॉस्टेलची सोय केली आहे. त्यांच्या शिक्षणाचा खर्च संस्थेकडून केला जातो
३.आत्महत्याग्रस्त कुटुंबातील मुला-मुलींना शिष्यवृत्ती (घरी राहून शाळेत शिक्षण घेणाऱ्या विद्यार्थ्यांसाठी) शैक्षणिक साहित्य, गणवेष, शाळेची फी, शाळेला बसने येण्याजाण्याचा खर्च.
एकूण सर्व वार्षिक खर्च:- १०,००० रु. प्रत्येकी.
संस्थेकडून ५० विद्यार्थ्यांना शिष्यवृत्ती दिली जाते.
सामाजिक उपक्रमाच्या निधीनुसार संस्थेच्या प्राधान्याप्रमाणे वरीलपैकी एका कार्यासाठी निधीचा सदुपयोग करण्यात येईल.
माहिती सेवा गृप पेठवड़गाव
अमेरिकेतील saveindianfarmer ही संस्थासुद्धा शेतकऱ्यांचे प्रश्न सोडविण्यासाठी कार्यरत आहे. आपण दीनदयाळ बहुउद्देशीय प्रसारक मंडळी आणि saveindianfarmer या दोन्ही संस्थांना एकत्र मदत करणार आहोत. आपले जे सभासद अमेरिकन डॉलर्स मध्ये देणगी देणार असतील त्यांना ती देणगी saveindianfarmer कडून देता येईल. त्यांना अमेरिकन कायद्याप्रमाणे करामध्ये सूट मिळेल.
आयकरातील सवलत :- ८०जी,
संस्थेचा पत्ता:- विवेकानंद छात्रवास, रामकृष्ण नगर, मुलकी, वडगाव, यवतमाळ-४४५००१, महाराष्ट्र.
संपर्क :- श्री कद्रे +९१९८९०२१७३८७, deendayalytl97@gmail.com
नोंदणी क्रमांक :- महाराष्ट्र /३९४९/९७ यवतमाळ.
संकेतस्थळः- http://www.deendayalvidarbha.org/farmer/about-us.html

सामाजिक संस्था,भगिरथ ग्रामविकास

by ‎खबरबात

सेवाभावी संस्था कोकण

भगिरथ ग्रामविकास प्रतिष्ठान, सिंधुदुर्ग

फेसबुक लिंक http://bit.ly/3nfiaOC

आजही आपल्या देशातील सर्व लोकांना वीज, पाणी, दोन वेळ पोटभर जेवण, शिक्षण यासारख्या मूलभूत गरजा आपण पुरवू शकलेलो नाही. करोडो लोक आजही रोज संध्याकाळी अर्धपोटी आणि अंधारात झोपी जातात. हातावर पोट असणाऱ्या आणि हंगामी कामे करणाऱयांचे होणारे हाल तर आपल्या कल्पनाशक्तीच्यासुद्धा पलीकडचे आहेत.
भगीरथ ग्रामविकास प्रतिष्ठान गावांच्या आणि खेड्यांच्या प्रगतीसाठी प्रयत्नशील आहे. गावातील सोयीसुविधा पर्यावरणपूरक पद्धतीने सुधारणे, शैक्षणिक दर्जा वाढविणे, शेतीचे उत्पादन वाढविणे, ज्ञानकेंद्रीत शेती करणे, यासाठी विविध उपक्रम संस्थेतर्फ राबविले जातात. तसेच स्थानिक लोकांचे अंगभूत गुण, कौशल्य हेरून त्यांना पैलू पाडण्याचे काम पण संस्था अतिशय उत्तमप्रकारे पार पाडत आहे.
संस्थेचे प्रकल्प आणि त्याचा अंदाजे खर्च:-
१. लमाणी वस्तीसाठी सोलर दिव्यांची योजना:- रस्ते, बांधकाम यासाठी लमाणी लोकं नदीकिनारी पालं टाकून झोपड्यांमध्ये राहतात. तिथे विजेची सोय नसते. लहान मुले, महिला यांच्यासाठी काळोख सुरक्षित नसतो. अशा वस्त्यांचा सर्व्हे करून त्यांना सवलतीमध्ये सोलर दिवा (LED) देणे. १०० स्क्वे.फु. साठी या दिव्याचा प्रकाश पुरतो. आपण कुडाळ येथील लमाणी वस्तीमध्ये असे दिवे दिले आहेत.
खर्च:- एका सोलर दिव्याची किंमत ७००/- रु. आहे. लमाणी कुटुंबांना तो दिवा पूर्णपणे मोफत दिला जाणार नाही. त्यांना त्यांच्या आर्थिक परिस्थितीनुसार काही ना काही किंमत जसे कि १०० ते २०० रुपये द्यावी लागेल.
२. कातकरी मुलांचे वसतिगृह व त्यांना खेळ शिकविण्यासाठी प्रशिक्षक योजना:-
गाव वेताळ बांबर्डे येथील वसतिगृहामध्ये कातकरी समाजातील एकूण १८ मुले आहेत. यासाठी शासनाचे काही अनुदान नाही. कातकरी समाजाची ही शाळेत जाणारी पहिलीच पिढी आहे. त्यांना लागणारा किराणा 'भगीरथ' देते. श्री उदय आईर येथील व्यवस्थापन पाहतात. येथील सर्व मुलांनी शालेय क्रीडा स्पर्धांमध्ये जिल्हास्तरापर्यंत बाजी मारली आहे. त्यांना चांगले क्रीडा प्रशिक्षक दिल्यास तसेच प्रथिनयुक्त आहार दिल्यास (अंडी) ही मुले अजून प्रगती करतील.
सामाजिक उपक्रमाच्या निधीनुसार संस्थेच्या प्राधान्याप्रमाणे वरीलपैकी एका कार्यासाठी निधीचा सदुपयोग करण्यात येईल.
आपली मदत येथे देऊ शकता.
संपर्क:- डॉ प्रसाद देवधर, +९१९४२२५९६५००
ईमेल:- bhagirathgram@gmail.com
आयकर सवलत:- ८०जी
नोंदणी क्रमांक:- एफ/२१७४/ सिंधुदुर्ग
संकेतस्थळ:- http://www.bhagirathgram.org/

सामाजिक संस्था ,राधाबाई हर्डिकर संस्था

by ‎खबरबात

सामाजिक संस्था

राधाबाई हार्डीकर प्राणिजात मंगल संस्था

____________________________

माहिती सेवा ग्रूप पेठवडगाव

____________________________

फेसबुक लिंक http://bit.ly/3va3frA

शिकायला शाळा आणि राहायला निवारा येथे ह्या संस्थेचे काम संपत नाही, तर सुरु होते! मुलांना ही शाळा व संस्था म्हणजे आपले घर वाटते. एखाद्या घरातले मूल जितक्या विश्वासाने व मोकळेपणाने वावरते त्याच मोकळेपणाने येथील मुले वावरतात. त्यांच्यावर प्रेम करणारी, त्यांना आधार देणारी, त्यांना शिस्त लावणारी व वेळप्रसंगी त्यांना रागावणारी मायेची माणसे इथे त्यांना लाभली आहेत. सकारात्मक विचारांना कष्ट व प्रयत्नांची जोड देण्याचे बाळकडू येथे मुलांना लहानपणापासून मिळते. येथील मुले स्वस्थ बसत नाहीत. आपले छंद, अभ्यास यांच्या जोडीला मोकळ्या वेळेत शाळेत व परिसरात श्रमदानही करतात. सुमति बालवन शाळा व पाखरमाया अनाथाश्रम शाळेत सध्या साधारण १५० विद्यार्थी शिकत आहेत आणि त्यातील साधारण २५ मुलं ही वसतिगृहात राहतात. विद्यार्थ्यांना शिक्षणाबरोबरच, लघूउद्योगाचे शिक्षण देऊन लवकर स्वावलंबी बनविण्याकडे शाळेचा कल आहे. अनाथाश्रम आणि वसतिगृहातील मुलांचा राहण्याचा, शाळेचा खर्च, सकस आहार, वैद्यकीय मदत हे सर्व संस्थेमार्फत केले जाते.