संजीव बडोले प्रतिनिधी.
नवेगावबांध दि.२२ जुलै:-
सडक अर्जुनी तालुक्यात शुक्रवारी (ता.२२)सकाळ पासूनच पाऊस होता.पाऊस सकाळी,दुपारी व सायंकाळी पडला.
दुपारच्या वेळेला विजांच्या कडकडाटासह पडला.
तालुक्यातील घाटबोरी/तेली येथील ओमदास सखाराम वाघाडे (वय ५५ वर्षे) यांचा दुपारी अडीच वाजता च्या दरम्यान शेतात रोवणी सुरू असताना विज पडून मृत्यू झाला. घाटबोरी/तेली वरून दोन किलोमिटर अंतरावरील घाटबोरी/कोहळी शेतशिवारात
रोवणी सुरू होती.येथे
मृतक शेतात एका बांधीत फन मारत होता.तर दुसऱ्या बांधीत महिला रोवणी करीत होत्या.अचानक दुपारला
विजेच्या गडगडासह पाऊस पडला. विज मृतकाच्या अंगावर पडली.जागीच त्यांचा मृत्यु झाला.परंतु,त्यात दोन बैल,पाच महिला,त्यांचा एक मुलगा व पुतण्या थोडक्यात बचावले.वेळीच शेतावर काम करणारे महिला पुरुष गोळा झाले.त्यांना पत्नी व दोन मुले आहेत. मृतकाची माहिती होताच घटनास्थळी तलाठी पोहचले व माहिती घेतली.तसेच डूग्गीपार
पोलिसांनी पंचनामा केला. शवविच्छेदनासाठी सडक अर्जुनी येथील ग्रामीण रुग्णालयात नेण्यात आले.
