गुरुवार, ऑगस्ट २७, २०२०

पोलिस नक्षल चकमकीत एक महिला नक्षली ठार

गडचिरोली, ता. २६ : एटापल्ली तालुक्यातील जारावंडी पोलिस ठाण्याअंतर्गत येत असलेल्या दोलंदा जंगल परिसरातील पोलिस व नक्षल्यांमध्ये झालेल्या चकमकीत एक महिला नक्षली ठार झाल्याची घटना आज दुपारी घडली.
पोलिस दलाच्या सी-60 पथकाचे जवान आज दोलंदा परिसरातील जंगलात नक्षलविरोधी अभियान राबवित असताना नक्षल्यांनी पोलिसांवर गोळीबार केला. पोलिसांनी जोरदार प्रत्युत्तर दिल्याने नक्षली घनदाट जंगलाचा फायदा घेत पसार झाले. त्यानंतर घटनास्थळाची पाहणी केली असता, एका महिला नक्षलीचा मृतदेह आढळून आला. पोलिसांनी मृतदेह ताब्यात घेतला असून तीची ओळख पटविण्याचे काम सुरू असल्याचे पोलिसांनी सांगितले.

Author: ‎खबरबात

खबरबात™ (Khabarbat™) हे मराठी माध्यमातील लोकप्रिय वेबपोर्टल आहे. ताज्या बातम्यांसह डिजिटल अपडेट, राजकीय, सामाजिक, पर्यावरण, रोजगार, बिझनेस बातम्या दिल्या जातात. भारत सरकारच्या माहिती व प्रसारण खात्याच्या डिजिटल मीडिया विभागाकडे Intermediary Guidelines and Digital Media Ethics Code) Rules 2021 नुसार नोंदणीकृत आहे.