by
नागपूर/प्रतिनिधी:
मैत्रिणीच्या घरी टीव्हीवर सिनेमा बघायला गेलेल्या एका १२ वर्षाच्या अल्पवयीन मुलीवर शेजारी राहणाऱ्या युवकाने बलात्कार केल्याची धक्कादायक घटना सीताबर्डी परिसरात उघडकीस आली. याप्रकरणी पोलिसांनी राकेश हरीश शाहू (२३, रा. धरमपेठ, गवळीपुरा) या आरोपीला पोलिसांनी अटक केली आहे.
पीडित मुलीचे आईवडील हातमजुरी करतात आणि ती नवव्या वर्गात शिकते. ही घटना २५ एप्रिल रोजी रात्री ८ ते ९ वाजताच्या सुमारास घडली.आरोपी हा सीताबर्डीत हातठेला लावतो. पीडित मुलीच्या घराशेजारीच दारुड्या असलेल्या आरोपीचे घर आहे. गेल्या काही दिवसांपासून आरोपी राकेश हा तिचा पाठलाग करून मैत्री करण्यासाठी मागे लागला होता. मात्र ती त्याला प्रतिसाद देत नव्हती. तिला रस्त्यात गाठणे व तिच्याशी अश्लील
संवाद साधणे, असे प्रकार तो नेहमीच करीत होता.रात्री ९ वाजताच्या सुमारास ती टीव्ही बघून घरी परतत
होती. दरम्यान, राकेशने तिला अडविले. तिला बळजबरीने एका निर्माणाधीन इमारतीच्या दुसर्‍या माळ्यावर नेले. तेथील बाथरूममध्ये तिचे अश्लील फोटो काढले. त्यानंतर तिच्यावर बलात्कार केला.
कुणालाही सांगितल्यास तिला जिवे मारण्याची धमकी दिली. या प्रकारामुळे पीडित मुलगी प्रचंड घाबरलेली होती. आरोपीने जिवे मारण्याची धमकी दिल्यानंतर तिने चार ते पाच दिवस कुणालाही सांगितले नाही. ती तणावात असल्याची बाब आईच्या लक्षात आली. शेवटी तिने तिला विश्‍वासात घेऊन विचारपूस केली असता, तिच्यासोबत घडलेला प्रकार उघडकोस आला.
याप्रकरणी सीताबर्डी पोलिसांनी आरोपीविरुद्ध कलम ३७६ (आय) भादंवि सह कलम ४,८,१२ पोक्सो अँक्ट अन्वये गुन्हा नोंदवून आरोपीस अटक केली आहे.
