by उमेश तिवारी/कारंजा (घाडगे) वर्धा:
पंचायत समिती कारंजा व कृषिव्यवसायिक संघ कारंजा यांच्या संयुक्त विद्यमाने दिनांक ०२/०२/२०१९ रोज शनिवार ला पंचायत समिती कारंजा घाडगे जिल्हा वर्धा येथे कृषी प्रदर्शन व चर्चासत्र चे आयोजन करण्यात आले होते . या कार्यक्रमाचे उद्घाटन सुरेशजी खवशी यांनी केले तर प्रमुख पाहुणे म्हणून राविभाऊ शेंडे अद्यक्ष कृषी व्यावसायिक संघ वर्धा जिल्हा हे होते यावेळी कार्यकर्माचे स्वागताध्यक्ष मंगेशभाऊ खवशी सभापती,उपसभापती रंजनाताई टिपले पं स कारंजा हे होते.
तसेच समाजकल्याण सभापती निताताई गजाम जी प वर्धा, उमेशकुमार नंदागवळी गट विकास अधिकारी, जी प सदस्य रेवताई धोटे, सरीताताई गाखरे, अनिल आदेवर कृषी अधिकारी,पं स सदस्य जगदीश डोळे,टिकाराम घागरे,पुष्पा ताई चरडे, आम्रपाली बागडे,रोशनीताई ढोबळे सह आदी मान्यवर उपस्थित होते. सदर चर्चासत्रात संत्रा, मोसंबी व लिंबू फळपीक तसेच कापूस, सोयाबीन, तूर या पीकाचे तज्ज्ञ मार्गदर्शन द्वारे सखोल मार्गदर्शन डॉ श्रीवास्तवव NRCC नागपूर,डॉ अंजिता जार्ज, डॉ आर येस शिरजूशे, डॉ आर के दास, व महाले यांनी केले.
या प्रदर्शनात तालुक्यातील शेतकऱ्यांनी आपला शेतमाल विक्रीसाठी आणला व त्याला ग्राहकांनी चांगला प्रतिसाद दिला,ऍपल बोर, ऊस, पपई, संत्रा, भाजीपाला, डाळ, तांदूळ इ संपूर्ण शेतमाल विकल्या गेला तसेच तालुक्यातील महिलाबचत गटांनी गृहोपयोगी व खाद्यपदार्थ, पापड, लोणचे, मशरूम, गुळपट्टी इ पदार्थांचे स्टॉल लावून विक्री केली.
तालुक्यातील प्रगतिशील शेतकर्यांचा सत्कार करण्यात आला त्यात केशवराव भक्ते हेटीकुंडी, सुनील ढोले बोरगाव ढोले, विनोद नासरे खरसखंडा, प्रशांत पुरी जोगा, वसंता अवथळे ब्राह्मणवाडा, श्रीराम चोपडे कारंजा, ज्ञानेश्वर भांगे कारंजा, श्रीमती सुनीता नेत्राम गाडगे बोनदरठाना , गजानन पेठे बोरगाव, माणिकचंद देशमुख नारा, प्रभाकर खवशी नारा,रमेश लोहकरे नागाझरी,विश्वजित आखरे चिंचोली,किशोर बंनगरे जसापूर, छायाताई गळहट चोपण या शेतकरी शेतकर्यांचा सत्कार करण्यात आला.
या कृषी प्रदर्शनात विशेष आकर्षण म्हणून, ऍग्री केअर फार्मर प्रोड्युसर कंपनीचे सीताफळ ज्युस व शेक, युवा प्रगतशील शेतकरी किशोर बंनगरे यांची विषमुक्त पपई, ऍपल बोर, ऊस,उमेद अभियानाचे विविध स्टॉल, पशुसंवर्धन विभाग आणि पाणी फौंडेशनचे प्रात्यक्षिक हे विशेष आकर्षण ठरले.
