by
चंद्रपूर/प्रतिनिधी:
चंद्रपूर जिल्ह्यातील विविध ठिकाणच्या वैद्यकीय आस्थापनावर डॉक्टरांची असलेली कमी संख्या व त्यामुळे होणारा रुग्ण सेवेतील खोळंबा दूर करण्यासाठी जिल्हा प्रशासनाने शासकीय सेवेत काम करू इच्छिणाऱ्या डॉक्टरांसाठी वॉक - इन -इंटरव्यूह ( walk-in-interview ) दर सोमवारी सुरू केले आहे.
महिन्यातील प्रत्येक आठवड्याच्या सोमवारला सकाळी 11 ते 2 या कालावधीमध्ये जिल्हा शल्य चिकित्सक डॉ.निवृत्ती राठोड यांच्या दालनात वॉक - इन -इंटरव्यूह होणार आहे. जिल्ह्यात वैद्यकीय शिक्षण घेतलेल्या व अन्यत्र काम करणाऱ्या डॉक्टरांनी या संधीचा फायदा घ्यावा व जिल्ह्यातील जनतेला आपली सेवा द्यावी, असे आवाहनही जिल्हा प्रशासनातर्फे करण्यात आले आहे.
