by १.५ लाख रुपयाचे नुसकान;शेतकरी झाला बेघर
प्रतिनिधी/कारंजा (घाडगे):
सेलगाव (लावणे) येथिल शेतकरी केशवराव चोपडे यांच्या घराला सकाळी १० ते ११ च्या सुमरात अचानक आग लागली या आगीमध्ये घरातील संपूर्ण वस्तू जळुन खाक झाल्या.
विशेष म्हणजे घरातील संपूर्ण अन्न दाळ दाना व कपडे या सारखे जीवनावश्यक वस्तूदेखील जळुन खाक झाल्या. सेलगाव येथील सरपंच हनुमंतराव पठाडे यांनी तहसीलदार यांचेशी संपर्क साधून घटनेची संपूर्ण माहिती दिली . या घराला लागलेली धकधकती आगेची आस हि घरच्या लगतच्या ३,४ घराला लागली असून आगीचे कारण कळु शकले नाही.
अथक परीश्रमा नंतर गावकऱ्यांच्या मदतीने आग आटोक्यात आली या आगीमुळे १.५ लाख रुपयाचे शेतकऱ्याचे नुकसान झाले आहे. त्यांच्या मागे २ मुले १ मुलगी आणि पत्नी असा परिवार असून त्यांच्याजवळ ४ एकर शेती असून लागलेल्या आगीमुळे चोपडे कुटुंबीय बेघर झाले आहे.
