by 
मुंबई/प्रतिनिधी:
पेट्रोल, डिझेल दरवाढीविरोधात काँग्रेस आणि डाव्यांनी हाक दिलेल्या उद्याच्या ‘भारत बंद’मध्ये राष्ट्रवादी, मनसे, शेकाप आणि समाजवादी पार्टी सहभागी होणार आहे. या बंदमध्ये मनसे कार्यकर्ते रस्त्यावर उतरुन ‘भारत बंद’ला पाठिंबा देतील,देशात इंधन दरवाढीचा भडका उडाल्यामुळे काँग्रेसने ‘भारत बंद’ची हाक दिली आहे. पेट्रोल-डिझेलच्या वाढत्या किंमती आणि डॉलरच्या तुलनेत रुपयाची घट या प्रश्नांवर काँग्रेसने मोदी सरकारविरोधात आंदोलन छेडले आहे.
‘पेट्रोल आणि डिझेलचे दर गगनाला भिडले आहेत. त्यामुळे आम्ही उद्याच्या भारत बंदला संपूर्ण पाठिंबा देत आहोत आणि या बंदमध्ये आम्ही सक्रिय सहभाग घेत आहोत’, असे राज ठाकरे यांनी ट्विट केले आहे. या बंदचा त्रास मात्र गणपतीत घरी जाणाऱ्या लोकांना होणार आहे.कारण ऐन पोळ्याच्या दिवशी अन गणपतीची तयारी सुरु असतांना हा संपूर्ण त्रास सहन करावा लागणार आहे.
