by 
नागपूर/प्रतिनिधी:- शहरातील उच्चवर्णियांची वस्ती म्हणून ओळख असलेल्या रामदासपेठ येथील ‘अजय सलून अ‍ॅण्ड स्पा’मध्ये देहव्यापार चालत असल्याचे उघड झाले आहे. या ठिकाणी पोलीस उपायुक्त चिन्मय पंडित यांनी छापा टाकत एका ग्राहकाला अटक केली आहे. तसेच पोलिसांनी स्पा मधून पाच आणि लोहारकर हॉटेलमधून तीन अशा आठ मुलींला ताब्यात घेतले असून त्यांची चौकशी सुरू आहे.
रामदासपेठ ते कांचिपूर भागाला जोडणाऱ्या मार्गावर अजय लोहारकर यांची अत्याधुनिक व्यायामशाळा आहे. त्यातच ‘अजय सलून अ‍ॅण्ड स्पा ’ हे असून त्या ठिकाणी देहव्यापार चालत असल्याची गुप्त माहिती पोलीस उपायुक्त पंडित यांना मिळाली होती. या माहितीच्या आधारावरून पोलिसांनी येथे छापा टाकला. यावेळी पोलिसांना त्या ठिकाणी एका ग्राहकही सापडला.
