by चंद्रपूर/प्रतिनिधी:
चंद्रपूर येथील रयतवारी कोळसा खाणीतील कोळसा वाहून नेणाऱ्या मशीनच्या लोडींग बेल्टला अचानक मोठी आग लागल्याने खान प्रशासनात व परिसरात चांगलीच खळबळ उडाली आहे. या आगीमुळे परिसरात भीतीचे वातावरण निर्माण झाले असून ही आग चांगलीच रौद्ररूप धारण करू लागली.
चंद्रपूर येथील रयतवारी कोळसा खाणीतील कोळसा वाहून नेणाऱ्या मशीनच्या लोडींग बेल्टला अचानक मोठी आग लागल्याने खान प्रशासनात व परिसरात चांगलीच खळबळ उडाली आहे. या आगीमुळे परिसरात भीतीचे वातावरण निर्माण झाले असून ही आग चांगलीच रौद्ररूप धारण करू लागली.
मंगळवारी पहाटे 4 वाजताच्या सुमारास रयतवारी कोळसा खाणीतील कोळसा वाहून नेणाऱ्या लोडींग बेल्टला मोठी आग लागली. शॉर्ट सर्किटमुळे ही आग लागल्याचा अंदाज वर्तवला जात असून, आगीवर नियंत्रण ठेवण्यासाठी अग्निशामक दलाच्या ५ गाड्या घटनास्थळी दाखल झाल्या होत्या.
या आगीमुळे सध्या खाणितील कोळसा उत्पादन बंद ठेवण्यात आला आहे. मात्र बेल्ट तुटल्याने आत मोठ्या प्रमाणात कोळसा पडून आहे.त्यामुळे एखादा गैरप्रकार झाकण्यासाठी ही आग लावण्यात आल्याची देखील चर्चा परिसरात सुरू आहे.
