गुरुवार, फेब्रुवारी १५, २०१८

दोन तरुणाचा करूण

अमरावती - जिल्ह्यातील मोर्शी तालुक्यात असलेल्या सालबर्डी येथील नदीच्या हत्ती डोहात पोहायला गेलेल्या दोन तरुणाचा करूण अंत झाल्याची घटना बुधवारी घडली आहे . १२ फेब्रुवारी पासून सुरु झालेल्या सालबर्डी महादेव यात्रेला मोठ्या प्रमाणात भाविकांची गर्दी असते. भुयारात जातांना नदीच्या काठावर हत्ती डोह आहे. या डोहात पोहण्याची, उतरण्याची बंदी असून त्यासंदर्भात सुचनाफलक सुद्धा लावलेत. पण भाविक त्याकडे दुर्लक्ष करतात . या डोहात बुधवारी दोन तरुण पोहण्यासाठी उतरले मात्र पाण्याचा अंदाज न आल्याने हे दोन्ही तरुण बुडाले. त्यापैकी एका तरुणाचा मृत देह बाहेर काढण्यात बचाव पथकाला यश आले असून दुसऱ्या मृतदेहाचा शोध अद्याप सुरू आहे . या दोन्ही युवकांची ओळख अद्याप पटलेली नसून आठनेर पोलीस त्यांची ओळख पाठविण्याचा प्रयत्न करीत आहेत.

Author: ‎खबरबात

खबरबात™ (Khabarbat™) हे मराठी माध्यमातील लोकप्रिय वेबपोर्टल आहे. ताज्या बातम्यांसह डिजिटल अपडेट, राजकीय, सामाजिक, पर्यावरण, रोजगार, बिझनेस बातम्या दिल्या जातात. भारत सरकारच्या माहिती व प्रसारण खात्याच्या डिजिटल मीडिया विभागाकडे Intermediary Guidelines and Digital Media Ethics Code) Rules 2021 नुसार नोंदणीकृत आहे.