by प्रयत्न
 |
| वाहनगाव येथील दारू दुकान फलकासमोर झालेली गर्दी. |
प्रतिनिधी/ चंद्रपूर - जिल्ह्यात दारूबंदी लागू करण्यात आली खरी. पण, ही बंदी प्रभाविपणे राबविण्यात सरकार पूर्णपणे अपयशी ठरले आहे. दारूबंदी असताना वाहनगाव ग्रामपंचायतने आधी दारूविक्रीची परवानगी मागणारा ठराव आणि त्यांनंतर दारू दुकानासाठी नोकर भरतीची जाहिरात काढून खळबळ उडवून दिली होती. आता तर चक्क देशी - विदेशी दारू दुकान सुरु केल्याचा फलक लावून राज्य शासनाच्या निर्णयाला आव्हान दिले आहे. हा फलक गुरुद्वाराजवळ लावण्यात आल्याने गावात तणावही निर्माण झाला आहे .
