by चल राजकारण्या आपण
मराठी मराठी खेळू
स्वार्थापायी मराठीला नग्न तुम्ही केलं
सत्तेपायी मराठीला भग्न तुम्ही केलं
भावनेचा खेळ हा भावनेशी खेळू
चल राजकारण्या आपण.......मराठी मराठी खेळू
हिंदी माझी माय आणि मराठी माझी मावशी
ना घर कि ना घाट कि मावशी आजच्या दिवशी
देशोधडी लावू तिला अशी हळूहळू
चल राजकारण्या आपण.......मराठी मराठी खेळू
परप्रांतीयांचा येथे वाहतो सुसाट वारा
माय माउली मराठीला नाही येथे थारा
मुकेपणी मराठीचे आसू लगे गळू
चल राजकारण्या आपण.......मराठी मराठी खेळू
मराठी अस्मितेचा भगवा हा रंग
राजकारणात मग झाला की हो दंग
पाठीमागे मराठीची पाठ लागे पोळू
चल राजकारण्या आपण.......मराठी मराठी खेळू
मराठी नेत्यांचा हा जुनाच आजार
मराठी मतांचा मराठी बाजार
राजकारणाचा धागा लोका लागे कळू
चल राजकारण्या आपण.......मराठी मराठी खेळू
राजकारणात जसा शिरकाव झाला
मराठीचा नवा सुरु लपंडाव झाला
त्यांचा झाला खेळ आणि देश लागे जळू
चल राजकारण्या आपण.......मराठी मराठी खेळू
मराठी जपून मनी अरमान करू
मराठीच ही नव निर्माण करू
मराठीचा गड आता लागलाय ढळू
चल राजकारण्या आपण.......मराठी मराठी खेळू
आदर्शगाव दानोळी,कोल्हापूर
