रविवार, सप्टेंबर २२, २०१३

घुग्घुसमध्ये 'नकोशी'ला फेकले

घुग्घुस : स्त्रीभ्रूणहत्या थांबवाव्या, यासाठी शासन समाजजागृतीसह कठोर कायद्याची अंमलबजावणी करीत असली तरी भ्रूणहत्येचे प्रकरण दिवसागणिक वाढत आहेत. आज शनिवारला चंद्रपूर तालुक्यातील घुग्घुस येथील वॉर्ड क्रमांक ५ मध्ये पहाटेच्या सुमारास एका जिवंत नवजात शिशूला फेकण्यात आल्याने शहरात खळबळ उडाली आहे. मागील काही दिवसांपासून चंद्रपूर शहरासह ग्रामीण भागात स्त्रीभ्रूणहत्येचे प्रकरणे वाढू लागले आहे. शासन-प्रशासनातर्फे राज्यभरात घटलेल्या मुलींच्या जन्मदरात वाढ व्हावी, यासाठी समाजजागृती करण्यात येत असतांना, आज सकाळला वॉर्ड क्र मांक ५ मध्ये नवजात शिशूच्या ओरडण्याचा आवाज ऐकू आला. नागरिकांनी घटनास्थळावर तोबा गर्दी केली. घटनेची माहिती पोलिसांना दिली. पोलिसानी पंचनामा करून जीवंत असलेल्या अर्भकाला रुग्णालयात उपचारासाठी दाखल केले

Author: ‎खबरबात

खबरबात™ (Khabarbat™) हे मराठी माध्यमातील लोकप्रिय वेबपोर्टल आहे. ताज्या बातम्यांसह डिजिटल अपडेट, राजकीय, सामाजिक, पर्यावरण, रोजगार, बिझनेस बातम्या दिल्या जातात. भारत सरकारच्या माहिती व प्रसारण खात्याच्या डिजिटल मीडिया विभागाकडे Intermediary Guidelines and Digital Media Ethics Code) Rules 2021 नुसार नोंदणीकृत आहे.