नागभीड तालुक्यात काँग्रेसला मोठी खिंडार
नागभीड/प्रतिनिधी:
भारतीय जनता पक्षाची “सबका साथ सबका विकास” आधारित ध्येय धोरणे आणि पंतप्रधान मा. नरेंद्रजी मोदी व राज्याचे मुख्यमंत्री मा. देवेन्द्र फडणवीस यांच्या मागील तीन वर्षाच्या शासन काळात झालेला चौफेर विकास तसेच चिमूर विधानसभा क्षेत्राचे आमदार मा. बंटीभाऊ भांगडीया यांनी चिमूर विधानसभा क्षेत्राचा केलेला कायापालट याने प्रभावित होऊन नागभीड कृषी उत्पन्न बाजार समितीचे संचालक आणि नागभीड तालुका कॉंगेसचे पदाधिकारी मुरलीधर उर्फ बंडूभाऊ क्षीरसागर यांनी नुकताच भारतीय जनता पक्षात प्रवेश केला.
चिमूर विधानसभा क्षेत्राचे आमदार मा. बंटीभाऊ भांगडीया यांनी त्यांचे पुष्पगुच्छ देऊन तसेच भारतीय जनता पक्षाचा ध्वज देऊन पक्षात स्वागत केले. यावेळी आमदार मा. बंटीभाऊ भांगडीया म्हणाले कि, प्रतिपक्षाचे पदाधिकारी भारतीय जनता पक्षात प्रवेश घेण्याने हे सिद्ध झाले आहे कि भारतीय जनता पक्षाची “सबका साथ सबका विकास” आधारित ध्येय धोरणे हि सर्वागीण असून त्यामुळे सर्वांचा विकास होत आहे. भाजपच्या नेतृत्वात देश आणि राज्य उत्तरोत्तर प्रगती करीत आहे. यावेळी मुरलीधर उर्फ बंडूभाऊ क्षीरसागर यांनी चिमूर विधानसभा क्षेत्राचे आमदार मा. बंटीभाऊ भांगडीया यांच्या नैतृत्वावर विश्वास व्यक्त केला. याप्रसंगी भाजपचे जेष्ट नेते वसंतभाऊ वारजूकर, नागभीड नगर परिषदेचे अध्यक्ष प्रा. उमाजी हिरे, नागभीड नगर परिषदेचे उपाध्यक्ष गणेश तर्वेकर, नागभीड नगर परिषदेचे बांधकाम सभापती सचिन आकुलवार, नागभीड कृषी उत्पन्न बाजार समितीचे सभापती आवेश पठाण, प्रदीपभाऊ तर्वेकर,सुधाकर अमृतकर,राजेंद्र चिलबुले,रवींद्र पोलकमवार, दशरथ ऊके, रुपेश गायकवाड, सुनील किटे,संजय मालोदे, आदीसह अनेक भाजपा नागभीड चे पदाधिकारी व कार्यकर्ते उपस्थित होते.
