by 
राहुल गांधी यांचे संसदेचे सदस्यत्व संपुष्टात आले आहे. सुरत न्यायालयाने कालच त्याला दोन वर्षांची शिक्षा सुनावली होती. यासंदर्भातील अधिसूचना लोकसभा सचिवालयाने जारी केली आहे. मानहानीच्या प्रकरणात सुरतच्या कोर्टाने गुरुवारीच राहुल गांधींना दोन वर्षांची शिक्षा सुनावली होती.
Congress party's Rahul Gandhi disqualified as a Member of Lok Sabha from the date of his conviction in the criminal defamation case over his 'Modi surname' remark, March 23.
2019 च्या लोकसभा निवडणुकीत राहुल गांधींवर मोदी आडनावाबाबत वादग्रस्त वक्तव्य केल्याचा आरोप झाला होता. ज्याच्या विरोधात गुजरातचे भाजप आमदार पूर्णेश मोदी यांनी राहुल यांच्याविरोधात मानहानीचा खटला दाखल केला होता.यासंदर्भात लोकसभा सचिवालयाकडून सात ओळींची अधिसूचना जारी करण्यात आली आहे. त्यात म्हटले आहे की, केरळमधील वायनाड येथील लोकसभा सदस्य राहुल गांधी यांना मुख्य न्यायदंडाधिकारी, सुरतच्या न्यायालयाने दोषी ठरवल्यानंतर ते लोकसभेच्या सदस्यत्वापासून अपात्र ठरले आहेत. ही अपात्रता त्याच्या दोषी ठरल्याच्या दिवसापासून म्हणजेच 23 मार्च 2023 पासून लागू होईल. हा निर्णय राज्यघटनेच्या कलम 102 (1) (ई) आणि लोकप्रतिनिधी कायदा, 1951 च्या कलम 8 मधील तरतुदींनुसार घेण्यात आला आहे.
