by जुन्नरचे नगरसेवक अविन फुलपगार यांना अटक
जुन्नर /आनंद कांबळे
जुन्नर नगरपालिकेचे नगरसेवक अविन फुलपगार यांना आर्थिक फसवणूकीबद्दल अटक केल्याने खळबळ उडाली.financial fraud
याबाबत पोलिसांनी सांगितले की, प्रशांत पुनाजी कवठे रा.कोपरे यांनी याबत रितसर फिर्याद दिली. आरोपी नगरसेवक अविन विष्णू फुलपगार ,आरोपी अनिल वाल्मिकी रा. जुन्नर व फिर्यादी एकमेकांच्या ओळखीचे असून जुन्नर शहरातील शिवाजीनगर येथील मिळकत सि.स.नं ५१५६ या जागेवर बांधकाम करुन सदरचे बांधकाम विक्री केल्यानंतर फिर्यादीकडून घेतलेली रक्कम ३०लाख फिर्यादीस परत देण्याचे मान्य करुन रक्कम घेतली होती.
सप्टेंबर २०१५ ते सप्टेंबर २०२२ च्या दरम्यान आरोपीनी फिर्यादीची आर्थिक फसवणूक केली आहे.
फिर्यादी यांनी सदर रक्कम अनेक वेळा मागितली असता शिवीगाळ व दमदाटी करुन फिर्यादीची आर्थिक फसवणूक केल्याने आरोपी नगरसेवक अविन फुलपगार यास अटक केली .
financial fraud
आरोपी विरोधात भादवि कलम ४१०,४०६,३४ प्रमाणे गुन्हा दाखल करण्यात आला आहे. याबाबत पोलिस निरिक्षक नारायण पवार यांच्या मार्गदर्शनाखाली सहाय्यक पोलिस निरिक्षक मोरडे करत आहेत.
जुन्नर नगपालिकेच्या नगरसेवकास अटक झाल्याने एकच खळबळ उडाली.
