by 
चंद्रपूर/प्रतिनिधी:
डॉ. बाबासाहेब भीमरावजी आंबेडकर यांचं चंद्रपूरशी घनिष्ठ नातं होतं. त्यांनी नागपूरनंतर चंद्रपूर येथे दीक्षा दिली होती. चंद्रपुरात येथील दीक्षाभूमीच्या विकासाकरिता निधी कमी पडू देणार नाही असे आश्वासन खासदार बाळू धानोरकर यांनी दिले.
दीक्षाभूमि चंद्रपूरसाठी सोलर पैनलचे यूनिट बसवीन्यासाठी खासदार बाळू धानोरकर यांना डॉ. बाबासाहेब आंबेडकर मेमोरियल सोसायटीचे सचिव कुणाल घोटकर, महानगरपालिका नगरसेवक राहुल घोटेकर, सहसचिव अनुज घोटेकर, शुभम चिमुरकर, स्वप्निल कांबळे यांनी निवेदनातून निधीची मागणी केली. हि मागणी लवकरच पूर्ण करून दीक्षाभूमीच्या विकासाकरिता भरीव निधी आणण्यासाठी केंद्र सरकारकडे पाठपुरावा करू, असे देखील खासदार बाळू धानोरकर यांनी सांगितले.
