by आरोपींच्या विरूद्ध गुन्हा दाखल
रामटेक तालुका प्रतिनिधी: रामटेक तालुक्यातील मौजा भंडारबोडी येथे शेतजमीनीची मोजणी करतेवेळी बंदोबस्तासाठी तैनात असलेल्या पोलीस हेड काॅंस्टेबल संजय रामलाल तिवारी व त्यांच्यासोबतच्या महीला पोलीस कर्मचारी यांना आरोपींनी मारहाण केल्याची गंभीर घटना घडली.दिनांक 14 मार्च 2018 चे दुपारी 1.30 वाजता ही घटना घडली.
याप्रकरणी अधिक वृत्त असे की,भंडारबोडी येथील शेतजमीन मोजणी प्रकरणात रीतसर अर्ज व संबधित रकमेचा भरणा करुन पोलीस बंदोबस्ताची मागणी केली होती.सरकारी आदेशानुसार तिवारी व महीला पोलीस कर्मचारी भंडारबोडी येथे कर्तव्यावर हजर असतांना तिथे त्याच गावातील रामराव सोमा कुथे,इंदिरा कुथे,निर्मला नाकाडे,राजकुमार नाकाडे,अरुण नाकाडे व रंजना कुथे यांनी मोजणी करणारे कर्मचारी यांचेशी हुज्जत घातली.त्पामुळे तिवारी व त्यांच्या सहकारी पोलीस कर्मचारी यांनी त्यांना समजविण्याचा प्रयत्न केला मात्र ऊपरोक्त आरोपी हे काहीही ऐकण्याच्या मनस्थितीत नव्हते.त्यंनी मध्यस्थी करीत समजूत घालण्याचा प्रयत्न करीत असलेल्या पोलीसांना मारहाण केली.
तिवारी यांचे तक्रारीवरुन आरोपींविरूद्ध भादंवी च्या 332,353 व 143 कलमान्वये गुन्हा दाखल करण्यात आला व काही आरोपींना ताब्यात घेतल्याचे वृत्त आहे.पो.ऊपनिरीक्षक मल्हारी ताळीकोटे पुढील तपास करीत आहेत.
