ब्रम्हपुरी/प्रतिनिधी:
गोंडवाना विद्यापीठ गडचिरोलीच्या होऊ घातलेल्या महाविद्यालयीन विद्यापीठ प्रतिनिधी निवडणुकीत, ब्रम्हपुरी तालुक्यात पाच महाविद्यालयाची निवडणूक दिनांक ११ जानेवारी २०१८ संपन्न झाली. या महाविद्यालयीन निवडणुकीत वीर भगतसिंग विद्यार्थी परिषद व बहुजन रिपब्लिकन विद्यार्थी मोर्चाच्या युतीने ५ पैकी ४ जागेवर विजय संपादन करीत बाजी मारली. तर एका जागेवर अखिल भारतीय विद्यार्थी परिषदेला समाधान मानावे लागले.
सविस्तर वृत्त असे की, गोंडवाना विद्यापीठ गडचिरोली अंतर्गत येणाऱ्या महाविद्यालयात विद्यापीठ प्रतिनिधी निवडणुक पार पडली. यात ब्रम्हपुरी तालुक्यातील पाच महाविद्यालयाचा समावेश होता. यात वीर भगतसिंग विद्यार्थी परिषद व बहुजन रिपब्लिकन विद्यार्थी मोर्चाच्या युतीने शांताबाई भैय्या महिला महाविद्यालयातून मीनाक्षी घनश्याम नाकाडे, डॉ. बाबासाहेब आंबेडकर महाविद्यालयातून अविष तुपकर, गंगाबाई तलमले महाविद्यालयातून संतोष रमेश पिलारे, शोभाताई बनसोड कला व वाणिज्य महाविद्यालयातून गोपाल अंतराम बारसागडे यांनी बाजी मारत ४ महाविद्यालयावर आपला झेंडा रोवला.
तर अखिल भारतीय विद्यार्थी परिषदेने ने. हि.महाविद्यालयातून प्रशांत राऊत हा निवडून आल्याने एका जागेवर समाधान व्यक्त केले.या निवडून आलेल्या ४ विद्यापीठ प्रतिनिधीचे वीर भगतसिंग विद्यार्थी परिषद व बहुजन रिपब्लिकन विद्यार्थी मोर्चाचे युतीचे मोंटू पिलारे, अनुकूल शेंडे, संजू मेश्राम, अमोल ठेंगरी,मिथुन चौधरी,शरद अंबादे, अंकुश मातेरे, विवेक रामटेके यांनी अभिनंदन केले.
