घुग्‍गुस/प्रतिनिधी:
घुग्‍गुसचे प्रभारी सरपंच श्री. संतोष नुन्‍ने यांनी महाराष्‍ट्राचे अर्थमंत्री ना. सुधीर मुनगंटीवार यांच्‍या प्रमुख उ‍पस्‍थीतीत आज शनिवारी दुपारी भारतीय जनता पार्टीत प्रवेश घेतला. त्‍यांच्‍या प्रवेशाने घुग्‍गुस मधील कॉंग्रेसला मोठे खिंडार पडले आहे.
चंद्रपूर जिल्‍हा परिषदेचे अध्‍यक्ष देवराव भोंगळे यांच्‍या नेतृत्‍वात श्री. संतोष नुन्‍ने यांनी त्‍यांच्‍या समर्थकांसह भाजपात प्रवेश घेतला. चंद्रपूर येथील शासकीय विश्रामगृहात अर्थमंत्री ना. सुधीर मुनगंटीवार, आमदार नानाजी शामकुळे यांनी श्री. संतोष नुन्‍ने यांचे स्‍वागत करत पक्षप्रवेशाबाबत त्‍यांना शुभेच्‍छा दिल्‍या. अर्थमंत्री ना. सुधीर मुनगंटीवार, आ. नानाजी शामकुळे आणि जिल्‍हा परिषद अध्‍यक्ष देवराव भोंगळे यांची विकासाभिमुख कार्यशैली, सर्वसामान्‍य जनतेला न्‍याय देण्‍याची त्‍यांची हातोटी यामुळे प्रभावित होवून आपण भारतीय जनता पार्टीत प्रवेश केला असुन यापुढे घुग्‍गुस शहरात भारतीय जनता पार्टीचे संघटन अधिक बळकट करण्‍यावर आपला भर राहील असे श्री. संतोष नुन्‍ने यावेळी बोलताना म्‍हणाले. यावेळी जिल्‍हा परिषदेचे अध्‍यक्ष देवराव भोंगळे, चंद्रपूर तालुका भाजपाचे तालुकाध्‍यक्ष नामदेव डाहूले, भाजपा शहर अध्‍यक्ष विवेक बोढे, जिल्‍हा परिषद सदस्‍य सौ. नितू चौधरी, पंचायत समिती सदस्‍य निरीक्षण तांड्रा, विनोद चौधरी, पुंडलिक उरकुडे,सौ. वैशाली ढवस, सौ. सुचिता लुटे,पिंटु मंडल, उमेश गुप्‍ता, मुकेश कामतवार, सुरज कडसाईत, कुंदन कुंभारे, प्रकाश बोबडे, सिनू इसराप, साजन गोहणे, हसन शेख, सौ. पुजा दुर्गम, सौ. सुषमा सावे, शंकर गोगला, शाम आगदारी, अमोल थेरे, श्रीकांत सावे, निरंजन डंभारे, शंकर सिध्‍दम, अनिल मंत्रीवार, रत्‍नेश सिंग, सुरेंद्र झाडे, सचिन कोडापे, राजु लुटे, अजगर खान, तुळशिदास ढवस, राजेश मोरपाका, यांची प्रामुख्‍याने उपस्थिती होती.
