संजीव बडोले प्रतिनिधी.
नवेगावबांध दि.२५ जून:- दि.२३ जून रोज गुरुवारला दुपारी १.३० वाजताच्या सुमारास मौजा बोरटोला येथील पवन मनोहर गुढेवार वय २७ वर्षे यांचा शेतात काम करत असताना वीज पडुन मृत्यू झाला होता.गुढेवार परीवाराचे सांत्वन करण्यासाठी आज दिनांक २५ जून रोज शनिवारला जि.प.उपाध्यक्ष इंजि.यशवंत गणविर यांनी सांत्वन भेट घेतली.परीवारातील सदस्यांना विचारपुस केली, संबंधित विभागाच्या अधिकाऱ्यांशी फोनवरून संपर्क साधुन गुढेवार परीवाराला लवकरात लवकर पाठपुरावा करुन शासनाची मदत मिळवून देण्याचे आश्वासन दिले.तसेच त्यांना आर्थिक मदत केली. परीवाराला या दुःखातून सावरण्याची ईश्वरचरणी प्रार्थना केली.यावेळी राष्ट्रवादी काँग्रेस पक्षाचे तालुकाध्यक्ष लोकपाल गहाणे तसेच ,चुन्नीलाल येरणे, जितेंद्र गुढेवार,किसनलाल गुढेवार,प्रितम सुर्यवंशी तथा गुढेवार परीवाराचे नातेवाईक उपस्थित होते.
