by 
येवला पंचायत समिती राष्ट्रवादी काँग्रेसचे गटनेते मोहन शेलार यांनी निवेदनाद्वारे केली मागणी..!
येवला प्रतिनिधी/ विजय खैरनार
येवला, ता. १८ : तालुक्यातील मुदत संपलेल्या ग्रामपंचायतिवर प्रशासक नेमण्यात आले असून या ग्रामपंचायत सदस्यांना मुदतवाढ देण्यात यावी अशी मागणी येवला पंचायत समिती राष्ट्रवादी काँग्रेसचे गटनेते मोहन शेलार यांनी निवेदनाद्वारे केली आहे
येवला पंचायत समितीच्या गटविकास अधिकाऱ्यांना दिलेल्या निवेदनात म्हटले आहे की आपल्या आदेशानुसार तालुक्यातील मुदत संपलेल्या २५ ग्रामपंचायतीत प्रशासक नेमणूक करण्यात आली आहे येवला पंचायत समितीत विस्तार अधिकारी अधिकाऱ्यांची अनेक पदे रिक्त असल्याने ग्रामपंचायत कारभार पाहणे प्रशासकांना जिकरीचे होणार आहे त्याचप्रमाणे तालुक्यातील अनेक ग्रामपंचायतीची मुदत जुलै ते ऑगस्ट २०२० दरम्यान संपत आहे त्या ठिकाणी प्रशासक नियुक्त केल्यास तालुक्यातील ग्रामपंचायतीचे कामकाज ठप्प होणार आहे तसेच प्रशासकाना बंधने असल्याने विकास कामे करणे शक्य होणार नाही ग्रामपंचायत मध्ये आर्थिक अफरातफर अनियमितता झाल्यास सरपंच ग्रामपंचायत सदस्य यांनी राजीनामे दिल्यास अडचण निर्माण झाली तर ९० दिवस प्रशासक नियुक्त करून त्या कालावधीत नव्याने निवडणूक घेऊन लोकप्रतिनिधीकडे कारभार सोपवला जातो कोरोनाच्या संकट समयी निवडणुका कधी होतील याबाबत अनिश्चितता आहे त्यामुळे ९० दिवसापेक्षा जास्त काळ प्रशासक ठेवन्यामुळे कायदेशीर प्रश्न उभा रहाणार आहे त्यामुळे सद्यस्थितीत असलेल्या ग्रामपंचायत कार्यकारिणीस नव्याने निवडणूक होईपर्यंत मुदतवाढ देण्यात यावी अशी मागणीही निवेदनात करण्यात आली आहे निवेदनाच्या प्रति मुख्यमंत्री उपमुख्यमंत्री ग्रामविकास मंत्री व पालकमंत्री छगन भुजबळ यांनाही देण्यात आल्या आहेत
