by 
महाराष्ट्र पर्यटन विकास महामंडळाची बैठक
नागपूर,दि.24: विदर्भातील पर्यटनाच्या दृष्टीने विविध पर्यटन स्थळांचा विकास करणे, पर्यटन स्थळी सोयीसुविधा उपलब्ध करुन देत पर्यटकांना आकर्षित करण्यासाठी विदर्भ पर्यटन विकास महामंडळाची नुकतीच बैठक पार पडली. यावेळी महामंडळाचे मुख्यलेखा अधिकारी तथा नियंत्रण अधिकारी दिनेश कांबळे यांनी टूर्स ऑपरेटर्स, एजंट आणि स्टेकहोल्डर्स यांना मार्गदर्शन केले.
महाराष्ट्र पर्यटन विकास महामंडळ हा शासनाचा अंगीकृत उपक्रम असून राज्यामध्ये पर्यटन विकासासाठी सदैव कार्यरत आहे. या बैठकीमध्ये महामंडळाचे पर्यटक निवास, नागपूर, ताडोबा, बोदलकसा तसेच निवास न्याहारी व महाभ्रमण या योजनांची माहिती देण्यात आली तसेच विदर्भातील टूर्स ऑपरेटर्स, ट्रॅव्हल्स एजंट व स्टेकहोल्डर्स यांच्या समस्यांवर चर्चा करण्यात आली व समस्यांवर निराकरण व मार्गदर्शन दिनेश कांबळे यांनी केले.
