by नवी दिल्ली/नागपूर :
चीनला रवाना होण्यासाठी 100 टन बिगर बासमती तांदूळाचा माल सज्ज असून उद्या नागपूरहून हा पहिला माल रवाना होणार आहे. चीनच्या सरकारी मालकीची अन्न प्रक्रिया कंपनीची होल्डिंग कंपनी असलेली सी.ओ.एफ.सी.ओ. ही कंपनी हा तांदूळ घेणार आहे. केंद्र सरकारच्या प्रयत्नामुळे 19 भात गिरण्या आणि प्रक्रिया कारखान्यांनी चीनला बिगर बासमती तांदूळ निर्यात करण्यासाठी नोंदणी केली आहे.
पंतप्रधान नरेंद्र मोदी यांनी चीनमधल्या क्विंदाओला या वर्षाच्या 9 जूनला भेट दिली होती त्यावेळी उभय देशातल्या संबंधित खात्यांमध्ये यासंदर्भात करार झाला होता.
