by 
२८ एप्रिल २०२३ रोजी प्रदर्शित होणाऱ्या, राष्ट्रीय पुरस्कार विजेते भाऊराव कऱ्हाडे यांच्या TDM या मराठी सिनेमाच्या निमित्ताने, होणाऱ्या प्रमोशनला एक वेगळाच फंडा वापरण्यात आला आहे.
अफलातून ट्रेलर आणि मनमोहक गीतांच्या माध्यमातून प्रेक्षकांना भुरळ पाडणाऱ्या TDM सिनेमाच्या प्रमोशन मध्ये आता वेगळाच ट्विस्ट आला आहे.
TDM च्या प्रमोशनसाठी आता राहुल सिद्धार्थ साळवे यांच्या वेगळ्याच थाटणीच्या शब्दांचे कोट असलेले पोस्टर प्रेक्षकांची मन आकर्षित करत आहेत.
मराठी सिने सृष्टीत होत असेलेला हा पहिला वहिलाच प्रयोग प्रेक्षकांच्या पसंतीस उतरत आहे. सध्या आलेल्या दोन प्रमोशन कवितांच्या पोस्टरने प्रेक्षकांची पुढे आता काय असेल याची उत्सुकता वाढवली आहे. दिग्दर्शक भाऊराव कऱ्हाडे यांनी केलेला हा पहिलाच आणि नवीन प्रमोशनचा प्रयत्न हळू हळू प्रेक्षकांच्या मनात उतरत जाऊन, प्रेक्षक सिनेमा गृहापर्यंत पोहचतील आणि TDM सिनेमाच्या एका सुंदर कलाकृतीचा आनंद घेतील यात शंकाच नाही.
कालिंदी आणि पृथ्वीराज या नव जोडीच्या अभिनयाची चुणूक ट्रेलर मधून दिसली आहेच. आणि त्यात भर पडली आहे ती, सुंदर अश्या गीतांची.
२८ एप्रिल २०२३ रोजी महाराष्ट्रात प्रदर्शित होणारा, भाऊराव कऱ्हाडे दिग्दर्शित TDM सिनेमा प्रेक्षकांना थोडा हसवेल थोडा रडवेल आणि या सगळ्यातून वेगळ्या कलाकृतीचा आस्वाद देईल यात शंका नाही.
