by
दवलामेटी येथे गरीब व गरजु लोकांंना मोफत किराणा व धान्य वाटप
नागपूर : अरूण कराळे
संपूर्ण देशात कोरोना प्रादुर्भावाने हाहाकार माजला आहे. सरकारने सर्वत्र संचारबंदी लागु केल्यामुळे गोर-गरीबांना आपल्या दोन टाईपच्या जेवनाचे वांदे झाले आहे . हातावर काम करणाऱ्या मजुराकडे धान्याचा साठा संपला असून त्यांना ग्रामपंचायत तर्फे धान्य वाटप करण्यात आले .
गावात असलेल्या कवेलारी जिल्हा शिवनी( मध्यप्रदेश ) येथील मजूरांना तेल, तांदूळ ,गहू ,दाळ तसेच संपूर्ण किराणा देण्यात आला . त्यामुळे अत्यंत गरीब व म्हातारे लोकांच्या चेहऱ्यावर आनंद दिसून येत होता . यापुढे सुध्दा गरीबांना धान्याचा तुटवडा कमी पडू देणार नाही असे प्रतिपादन लाव्हा ग्रामपंचायतच्या सरपंच ज्योत्सना सुजित नितनवरे यांनी केले.
दवलामेटी ग्रामपंचायत तर्फे रविवार ३० मार्च रोजी गरीब व गरजु लोकांंना मोफत किराणा व धान्याचे वाटप केले . त्यावेळी त्या बोलत होत्या .यावेळी नागपूर पं. स.चे माजी उपसभापती सुजीत नितनवरे ,ग्रा. पं. सदस्य पांडुरंग बोरकर , सुनील वानखेडे ,ऋषि धोंगडे ,रामकृष्ण धुर्वे , शेषराव लोणारे उपस्थित होते.
