by 
कोणत्याही मेलही सर्व्हिसवरून पाठवलेला मेल काही क्षणातच दुसऱ्या ई-मेल अॅड्रेसवर पोहोचतो. पण आता जी-मेलवरुन ई-मेल पाठवला तरी तो दुसऱ्या ई-मेल अॅड्रेसवर कधी पोहोचावा हे ठरवणं शक्य आहे. जी-मेलच्या १५व्या वाढदिवसाच्या निमित्ताने गुगलने हे फीचर उपलब्ध करून दिलं असलं तरी याची माहिती अजून फार युजर्सपर्यंत पोहचलेली नाही. या फीचरद्वारे ई-मेल पाठवण्याची वेळ शेड्युल करता येते.
हे फीचर असे वापरा...
- ब्राउजरमधून जी-मेल उघडावे.
- अकाउंटचा ई-मेल आयडी आणि पासवर्ड टाकून लॉग इन करावे.
- नवीन ई-मेल तयार करण्यासाठी 'Compose' हा पर्याय निवडावा.
- मेसेज विंडो आल्यानंतर आवश्यक तो मजकूर लिहून ज्याला मेल पाठवायचा आहे त्याचा ई-मेल आयडी लिहावा.
- आता Send हा पर्याय निवडण्याऐवजी त्या शेजारी असलेल्या बाणासारख्या आयकॉनवर क्लिक करावे.
- Schedule Send हा पर्याय इथे उपलब्ध असेल. त्यावर क्लिक करावे.
